| ︽ᠠᠪᠤ ᠶᠢᠨ ᠢᠶᠠᠨ ᠤᠷᠭᠠ ᠶᠢ ᠪᠠᠷᠢᠵᠦ ᠰᠤᠷ ᠠᠳᠤᠭᠤ ᠮᠠᠯ ᠴᠢᠨᠢ ᠦᠰᠦᠨᠡ᠂ ᠡᠵᠢ ᠶᠢᠨ ᠢᠶᠠᠨ ᠵᠡᠬᠦᠦ ᠶᠢ ᠪᠠᠷᠢᠵᠦ | ᠰᠤᠷ ᠡᠷᠳᠡᠮ ᠦᠢᠯᠡ ᠴᠢᠨᠢ ᠪᠦᠳᠦᠨᠡ︾ ᠬᠡᠵᠦ ᠮᠤᠩᠭᠤᠯᠴᠤᠳ ᠤᠨ ᠬᠡᠷ ᠤᠨ ᠰᠤᠷᠭᠠᠯ ᠳᠤ ᠬᠡᠦᠬᠡᠳ ᠢ ᠬᠠᠷᠠᠬᠠᠨ ᠪᠠᠭᠠ | ᠠᠴᠠ ᠨᠢ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠤ ᠤᠶᠢᠷᠠᠳᠤᠭᠤᠯᠤᠨ᠂ ᠬᠡᠷ ᠤᠨ ᠳᠤᠳᠤᠨᠠ ᠭᠠᠳᠠᠨᠠᠬᠢ ᠠᠵᠢᠯ ᠳᠤ ᠴᠠᠭᠠᠷᠠᠬᠤ ᠶᠢ | ᠰᠤᠷᠭᠠᠳᠠᠭ᠃ ᠠᠵᠢᠯᠴᠢ ᠠᠶᠢᠯ ᠤᠨ ᠠᠷᠢᠭᠤᠨ ᠭᠤᠯᠤᠮᠳᠠ ᠶᠢ ᠵᠠᠯᠭᠠᠵᠦ᠂ ᠭᠦᠳᠡᠯᠮᠦᠷᠴᠢ ᠬᠦᠮᠦᠨ ᠤ ᠨᠠᠨᠳᠢᠨ ᠴᠢᠨᠠᠷ ᠢ | ᠦᠪᠯᠡᠵᠦ᠂ ᠢᠰᠡᠬᠡᠢ ᠬᠢᠬᠦ᠂ ᠡᠮᠡᠬᠡᠯ ᠲᠦᠭᠦᠭᠡᠷᠴᠦ᠂ ᠨᠤᠭᠳᠤ ᠬᠠᠵᠠᠭᠠᠷ ᠵᠠᠩᠬᠢᠳᠬᠤ ᠵᠡᠷᠭᠡ ᠠᠯᠢ ᠤᠯᠠᠨ ᠦᠢᠯᠡ ᠶᠠᠪᠤᠳᠠᠯ | ᠢᠶᠠᠷ ᠢᠶᠠᠨ ᠮᠠᠯᠴᠢᠨ ᠤᠬᠠᠭᠠᠨ ᠢ ᠭᠠᠶᠢᠬᠠᠭᠤᠯᠵᠦ ᠶᠠᠪᠤᠭᠰᠠᠨ ᠨᠢᠬᠡᠨ ᠨᠠᠰᠤᠳᠠᠨ ᠪᠤᠯ ᠪᠤᠭᠳᠠ ᠶᠢᠨ ᠭᠤᠤᠯ ᠰᠤᠮᠤᠨ ᠤ | ᠪᠤᠭᠳᠠ ᠶᠢᠨ ᠭᠤᠤᠯ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠳᠠᠢ ᠯᠠᠩᠳᠤ ᠪᠤᠯᠤᠨᠠ᠃ ᠲᠡᠷᠡᠪᠡᠷ ᠬᠤᠳᠠ ᠤᠷᠤᠭᠠᠳ ᠠᠷᠪᠠᠭᠠᠳ ᠵᠢᠯ ᠤᠨ | ᠨᠢᠭᠤᠷ ᠦᠵᠡᠵᠦ ᠪᠠᠶᠢᠭᠠ ᠪᠤᠯᠪᠠᠴᠦ ᠠᠷᠠᠰᠦ ᠢᠳᠡᠬᠡᠯᠡᠬᠦ᠂ ᠰᠤᠷ ᠬᠢᠬᠦ᠂ ᠡᠮᠡᠬᠡᠯ ᠤᠷᠠᠯᠠᠬᠤ᠂ ᠢᠰᠡᠬᠡᠢ ᠰᠢᠷᠢᠬᠦ ᠵᠡᠷᠬᠡ | ᠦᠪᠡᠷ ᠤᠨ ᠳᠤᠷᠠ ᠪᠠᠬᠠ ᠲᠠᠢ ᠦᠢᠯᠡ ᠪᠠᠨ ᠶᠡᠷᠦ ᠤᠷᠬᠢᠭᠳᠠᠭᠤᠯᠤᠭᠰᠠᠨ ᠦᠬᠡᠢ ᠠᠪᠴᠦ ᠶᠠᠪᠤᠭᠰᠠᠨ ᠨᠢ ᠦᠨᠡᠭᠡᠷ | ᠪᠢᠰᠢᠷᠡᠯᠲᠠᠢ ᠪᠢᠯᠡ︕ | 2011 ᠤᠨ ᠳᠤ ᠡᠳᠡᠨᠡᠶᠢᠬᠢᠨ ᠬᠤᠳᠠ ᠤᠷᠤᠵᠦ ᠠᠰᠠᠷ ᠲᠠᠭᠳᠤ ᠳᠤ ᠰᠠᠭᠤᠷᠢᠰᠢᠭᠰᠠᠨ ᠪᠤᠯᠪᠠᠴᠦ ᠦᠪᠡᠷ ᠤᠨ | ᠦᠬᠡᠷ ᠬᠤᠨᠢᠨ ᠤ ᠠᠷᠠᠰᠤ ᠪᠠᠨ ᠢᠳᠡᠬᠡᠯᠡᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠭᠠᠷ ᠢᠷᠡᠵᠦ᠂ ᠭᠠᠷ ᠢᠶᠠᠷ ᠬᠢᠭᠰᠡᠨ ᠡᠮᠡᠬᠡᠯ᠂ ᠬᠠᠵᠠᠭᠠᠷ᠂ | ᠴᠢᠳᠤᠷ᠂ ᠨᠤᠭᠲᠤ᠂ ᠰᠢᠷᠢᠭᠰᠡᠨ ᠢᠰᠡᠬᠡᠢ ᠤᠷᠠᠯᠠᠯ ᠢᠶᠠᠷ ᠤᠷᠤᠨ ᠬᠡᠷ ᠢᠶᠠᠨ ᠭᠤᠶᠤᠯᠠᠵᠦ᠂ ᠬᠤᠳᠠ ᠤᠷᠤᠭᠰᠠᠨ ᠮᠠᠯᠴᠢᠨ | ᠠᠶᠢᠯ ᠤᠨ ᠡᠳᠡᠬᠡᠳ ᠰᠠᠶᠢᠬᠠᠨ ᠢ ᠤᠷᠤᠭᠰᠠᠨ ᠬᠦᠮᠦᠨ ᠪᠤᠯᠭᠠᠨ ᠳᠤ ᠬᠠᠷᠠᠭᠤᠯᠤᠨᠠ ᠡ᠃ ᠤᠷᠴᠢᠮᠬᠠᠨ᠂ ᠯᠠᠩᠳᠤ ᠨᠠᠰᠤᠳᠠᠨ | ᠬᠡᠳᠦᠨ ᠰᠠᠷᠠ ᠶᠢᠨ ᠴᠠᠭ ᠵᠠᠷᠤᠴᠠᠭᠤᠯᠵᠦ ᠶᠠᠰᠤᠨ ᠬᠢᠴᠡ ᠲᠠᠢ ᠡᠮᠡᠬᠡᠯ ᠢᠶᠠᠨ ᠬᠢᠵᠦ ᠳᠠᠭᠤᠰᠬᠠᠯᠠ ᠬᠡᠰᠡᠨ ᠰᠠᠶᠢᠬᠠᠨ ᠴᠢᠮᠡᠭᠡ | ᠪᠠᠷ ᠪᠢᠳᠡ ᠳᠡᠬᠦᠨ ᠤ ᠬᠡᠷ ᠢ ᠴᠢᠭᠯᠡᠵᠦ᠂ ᠤᠷᠠᠯᠠᠵᠦ ᠬᠢᠭᠰᠡᠨ ᠪᠦᠳᠦᠬᠡᠯ ᠢ ᠨᠢ ᠰᠤᠨᠢᠷᠬᠠᠬᠤ ᠪᠠᠷ ᠬᠦᠷᠦᠭᠰᠡᠨ ᠪᠢᠯᠡ᠃ | ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠤᠯ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠯᠠ ᠠᠮᠢᠳᠤ ᠡᠷᠳᠡᠨᠢ ᠬᠡᠳᠡᠭ ᠢᠶᠠᠷ ᠳᠡᠬᠦᠨ ᠤ ᠤᠬᠠᠭᠠᠨ ᠬᠦᠳᠡᠯᠮᠤᠷᠢ | ᠪᠠᠨ ᠰᠢᠩᠬᠡᠬᠡᠵᠦ᠂ ᠠᠪᠢᠶᠠᠰ ᠪᠢᠯᠢᠭ ᠢᠶᠠᠨ ᠬᠤᠷᠴᠠᠯᠠᠵᠦ ᠬᠢᠭᠰᠡᠨ ᠡᠮᠡᠬᠡᠯ ᠨᠢ ᠮᠠᠯ ᠤᠨ ᠠᠷᠠᠰᠤ᠂ ᠨᠤᠤᠰᠤ᠂ ᠬᠢᠯᠭᠠᠰᠤ ᠠᠴᠠ | ᠭᠠᠳᠠᠨᠠ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠶᠠᠰᠤ ᠪᠠᠷ ᠭᠤᠤᠯ ᠪᠤᠯᠠᠭ᠋ᠨ ᠤᠷᠠᠯᠠᠵᠦ᠂ ᠡᠮᠡᠬᠡᠯ ᠤᠨ ᠢᠶᠠᠨ ᠬᠢᠷᠠ ᠶᠢ ᠠᠳᠤᠭᠤᠨ ᠤ | ᠬᠠᠪᠢᠷᠭᠠᠨ ᠶᠠᠰᠤ ᠪᠠᠷ᠂ ᠭᠠᠨᠵᠤᠭᠠᠨ ᠰᠦᠪᠡᠭᠴᠢ ᠶᠢ ᠨᠢ ᠠᠳᠤᠭᠤᠨ ᠤ ᠰᠢᠯᠪᠢᠨ ᠤ ᠶᠠᠰᠤ ᠪᠠᠷ᠂ ᠪᠠᠭᠠᠪᠤᠷ ᠢ ᠨᠢ ᠲᠡᠮᠡᠬᠡᠨ | ᠤ ᠱᠠᠭᠠᠨᠳᠤ ᠶᠢᠨ ᠶᠠᠰᠤ ᠪᠠᠷ᠂ ᠲᠠᠷᠤᠭᠤᠯᠭᠠ ᠶᠢ ᠨᠢ ᠦᠬᠡᠷ ᠤᠨ ᠳᠤᠮᠳᠠ ᠴᠢᠮᠦᠬᠡᠨ ᠤ ᠶᠠᠰᠤ ᠪᠠᠷ ᠲᠤᠰ ᠲᠤᠰ ᠤᠷᠠᠯᠠᠨ | ᠬᠢᠵᠦ᠂ ᠳᠦᠷᠦᠬᠡᠨ ᠲᠡᠮᠦᠷ ᠢ ᠨᠢ ᠶᠠᠰᠤ ᠪᠠᠷ ᠪᠦᠷᠢᠵᠦ ᠤᠷᠠᠯᠠᠨ᠂ ᠬᠠᠵᠠᠭᠠᠷ ᠢ ᠨᠢ ᠬᠤᠨᠢᠨ ᠤ ᠱᠠᠭᠠᠨᠳᠤ ᠶᠢᠨ ᠶᠠᠰᠤ ᠪᠠᠷ | ᠪᠦᠬᠡᠵᠢᠯᠡᠵᠦ ᠭᠠᠷᠭᠠᠨ᠂ ᠳᠡᠬᠡᠷᠡ ᠨᠢ ᠵᠡᠰ ᠬᠢᠴᠡ ᠲᠠᠢ ᠬᠠᠰ ᠲᠠᠮᠠᠭᠠ ᠪᠠᠷ ᠴᠢᠮᠡᠭᠯᠡᠵᠦ᠂ ᠲᠤᠪᠤᠷᠤᠤ ᠶᠢ ᠨᠢ ᠲᠤᠮᠳᠠ | ᠴᠢᠮᠦᠬᠡᠨ ᠤ ᠪᠤᠯᠤᠤ ᠶᠠᠰᠤ ᠪᠠᠷ ᠤᠷᠠᠯᠠᠵᠤ ᠬᠢᠭᠰᠡᠨ ᠢᠶᠠᠷ ᠮᠠᠯᠴᠢᠨ ᠠᠪᠤ ᠶᠢᠨ ᠤᠷᠠᠨ ᠰᠡᠳᠬᠢᠬᠦᠢ᠂ ᠤᠬᠠᠭᠠᠨ ᠬᠦᠳᠡᠯᠮᠤᠷᠢ | ᠠᠴᠠ ᠤᠨᠳᠤᠷᠠᠭᠰᠠᠨ ᠪᠦᠬᠦᠯᠢ ᠭᠠᠷ ᠬᠢᠴᠡ ᠲᠠᠢ ᠶᠠᠰᠤᠨ ᠡᠮᠡᠬᠡᠯ ᠬᠠᠷᠠᠭᠰᠠᠨ ᠬᠦᠮᠦᠨ ᠤ ᠬᠠᠷᠠᠭᠠ ᠶᠢ ᠪᠤᠯᠢᠶᠠᠮᠠᠷ ᠦᠵᠡᠮᠦᠷᠢ | ᠲᠠᠢ ᠰᠠᠶᠢᠬᠠᠨ ᠪᠦᠳᠦᠬᠡᠯ ᠪᠤᠯᠵᠠᠢ᠃ ᠶᠠᠰᠤᠨ ᠬᠢᠴᠡ ᠲᠠᠢ ᠡᠮᠡᠬᠡᠯ ᠤᠷᠠᠯᠠᠵᠦ ᠬᠢᠬᠦ ᠨᠢ ᠳᠡᠶᠢᠮᠦ ᠴᠤ ᠬᠢᠯᠪᠡᠷ ᠠᠵᠢᠯ ᠪᠢᠰᠢ | ᠶᠤᠮ᠃ ᠮᠠᠯ ᠤᠨ ᠶᠠᠰᠤ ᠶᠢ ᠬᠢᠷᠦᠬᠡᠳᠦᠵᠦ᠂ ᠵᠦᠰᠦᠵᠦ ᠂ ᠰᠡᠶᠢᠯᠵᠦ᠂ ᠵᠦᠬᠡᠯᠡᠷᠡᠬᠦᠯᠬᠦ ᠵᠡᠷᠬᠡ ᠤᠯᠠᠨ ᠶᠠᠪᠤᠴᠠ ᠳᠤᠮᠳᠠ | ᠮᠠᠯᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠪᠤᠷᠤ ᠤᠬᠠᠭᠠᠨ ᠠᠴᠠ ᠭᠠᠳᠠᠨᠠ ᠂ ᠵᠤᠬᠢᠬᠤ ᠮᠡᠷᠬᠡᠵᠢᠯ ᠮᠡᠳᠡᠯᠬᠡ ᠱᠠᠭᠠᠷᠳᠠᠭᠳᠠᠬᠤ ᠨᠢ | ᠮᠡᠳᠡᠬᠡᠵᠢ ᠶᠤᠮ᠃ ︽ᠶᠠᠭᠤᠮᠠ ᠶᠢ ᠴᠢᠨᠢ ᠬᠦᠮᠦᠨ ᠬᠢᠵᠦ ᠪᠠᠶᠢᠵᠦ ᠯᠡ ᠰᠤᠷᠤᠨᠠ᠂ ᠮᠡᠳᠡᠨᠡ᠃ ᠬᠢᠬᠦ ᠶᠢᠨ ᠳᠤᠮᠳᠠ | ᠰᠤᠷᠬᠤ ᠯᠠ ᠰᠠᠶᠢᠬᠠᠨ᠃ ᠪᠢ ᠠᠪᠤ ᠠᠴᠠ ᠪᠠᠨ ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠶᠢ᠂ ᠡᠵᠢ ᠶᠢᠨ ᠢᠶᠠᠨ ᠢᠰᠡᠬᠡᠢ ᠬᠢᠬᠦ ᠤᠷᠠ ᠶᠢ | ᠵᠠᠯᠭᠠᠮᠵᠢᠯᠠᠵᠦ ᠠᠪᠤᠭᠰᠠᠨ᠃ ᠡᠨᠡᠬᠦ ᠰᠠᠭᠤᠷᠢᠨ ᠳᠡᠬᠡᠷᠡ ᠳᠦᠷᠦᠬᠦᠦ ᠬᠡᠳᠦᠨ ᠵᠢᠯ ᠬᠤᠰᠢᠭᠤ ᠠᠵᠢᠯ ᠤᠯᠭᠤᠯᠳᠠ ᠶᠢᠨ | ᠳᠤᠪᠴᠢᠶᠠ ᠠᠴᠠ ᠡᠷᠬᠢᠯᠡᠭᠰᠡᠨ ᠪᠤᠯᠪᠠᠰᠤᠷᠠᠯ ᠳᠤ ᠤᠷᠤᠯᠴᠠᠬᠤ ᠪᠠᠷ ᠳᠠᠮᠵᠢᠭᠠᠳ ᠠᠷᠠᠰᠤᠨ ᠪᠤᠭᠴᠤ᠂ ᠠᠷᠠᠰᠤᠨ ᠭᠤᠳᠤᠯ | ᠤᠶᠤᠬᠤ᠂ ᠠᠷᠠᠰᠤᠨ ᠡᠳ᠋ᠯᠡᠯ ᠳᠡᠬᠡᠷᠡᠬᠢ ᠰᠢᠷ ᠪᠤᠳᠤᠭ ᠳᠠᠭᠠᠷᠠᠭᠤᠯᠬᠤ ᠮᠨᠳᠦ ᠶᠢᠨ ᠮᠡᠷᠬᠡᠵᠢᠯ ᠢ ᠤᠯᠠᠮ ᠨᠢᠬᠡ ᠠᠯᠬᠤᠮ | ᠰᠤᠷᠴᠦ ᠡᠵᠡᠮᠰᠢᠵᠦ ᠴᠢᠳᠠᠭᠰᠠᠨ ᠢᠶᠠᠷ ᠤᠯᠠᠨ ᠰᠠᠶᠢᠬᠠᠨ ᠭᠠᠷ ᠤᠷᠠᠯᠠᠯ ᠤᠨ ᠪᠦᠳᠦᠬᠡᠯ ᠴᠤ ᠬᠢᠵᠦ ᠭᠠᠷᠭᠠᠭᠰᠠᠨ︾ ᠬᠡᠵᠦ | ᠨᠠᠰᠤᠳᠠᠨ ᠭᠤᠸᠠᠢ ᠪᠠᠶᠠᠷ ᠲᠠᠢ ᠶᠠᠷᠢᠨᠠ᠃ | ᠨᠠᠰᠤᠨ ᠳᠤᠷᠰᠢᠳᠠ ᠪᠠᠨ ᠰᠤᠷᠴᠦ ᠮᠡᠷᠬᠡᠰᠢᠬᠦ᠂ ᠬᠢᠵᠦ ᠪᠦᠳᠦᠬᠡᠬᠦ ᠳᠤ ᠲᠤᠷᠠ ᠪᠠᠬᠠ ᠲᠠᠢ ᠶᠠᠪᠤᠭᠰᠠᠨ ᠲᠡᠷᠡᠪᠡᠷ | ᠪᠤᠯᠪᠠᠰᠤᠷᠠᠯ ᠳᠤ ᠤᠷᠤᠯᠴᠠᠵᠦ ᠲᠤᠰᠬᠠᠢ ᠪᠠᠭᠰᠢ ᠠᠴᠠ ᠠᠷᠠᠰᠤᠨ ᠡᠳ᠋ᠯᠡᠯ ᠤᠶᠤᠬᠤ ᠶᠢ ᠰᠤᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ | ᠰᠠᠨᠠᠭᠠᠨ ᠳᠤ ᠪᠠᠨ ᠬᠦᠷᠦᠭᠰᠡᠨ ᠭᠠᠷ ᠬᠢᠴᠡ ᠲᠠᠢ ᠠᠷᠠᠰᠤᠨ ᠬᠦᠯᠢᠮ ᠤᠶᠤᠵᠦ ᠦᠵᠡᠬᠦ ᠶᠤᠮᠰᠠᠨ ᠬᠡᠵᠦ ᠵᠤᠷᠢᠭ ᠰᠢᠭᠤᠳᠤᠨ | ᠡᠨᠡ ᠵᠢᠯ ᠦᠪᠡᠷ ᠤᠨ ᠢᠳᠡᠬᠡᠯᠡᠵᠦ ᠡᠯᠳᠡᠭᠰᠡᠨ ᠦᠬᠡᠷ ᠤᠨ ᠠᠷᠠᠰᠤ ᠪᠠᠨ ᠵᠢᠷᠤᠵᠤ ᠡᠰᠬᠡᠨ ᠬᠤᠶᠠᠷ ᠳᠠᠪᠬᠤᠷᠯᠠᠵᠦ᠂ | ᠠᠷᠠᠰᠤᠨ ᠬᠦᠯᠢᠮ ᠤᠨ ᠢᠶᠠᠨ ᠬᠦᠪᠡᠭᠡ ᠶᠢ ᠨᠢ ᠠᠳᠤᠭᠤᠨ ᠤ ᠰᠤᠷ ᠢᠶᠠᠷ ᠨᠢᠬᠡ ᠨᠢᠬᠡ ᠵᠡᠬᠦᠦ ᠪᠠᠷ ᠨᠢᠮᠪᠠᠢ ᠰᠠᠶᠢᠬᠠᠨ ᠱᠠᠭᠯᠠᠵᠤ | ᠤᠶᠤᠨ᠂ ᠬᠦᠯᠢᠮ ᠳᠡᠬᠡᠷᠡ ᠪᠠᠨ ᠰᠢᠩᠬᠡᠨ ᠤᠰᠤᠨ ᠪᠤᠳᠤᠭ᠂ ᠲᠤᠰᠤᠨ ᠪᠤᠳᠤᠭ ᠪᠠᠷ ᠦᠩᠬᠡ ᠤᠷᠤᠭᠤᠯᠤᠨ᠂ ᠬᠡ | ᠤᠭᠠᠯᠵᠠ ᠡᠰᠬᠡᠵᠦ ᠤᠶᠤᠭᠰᠠᠨ ᠪᠦᠬᠦᠯᠢ ᠭᠠᠷ ᠬᠢᠴᠡ ᠲᠠᠢ ᠠᠷᠠᠰᠤᠨ ᠬᠦᠯᠢᠮ ᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ ᠤ ᠪᠠᠬᠠ ᠶᠢ | ᠲᠠᠲᠠᠮᠠᠷ᠂ ᠤᠷᠭᠠᠴᠢᠨ ᠬᠦᠮᠦᠨ ᠤ ᠬᠠᠶᠢᠷᠠ ᠶᠢ ᠪᠤᠯᠢᠶᠠᠮᠠᠷ ᠦᠵᠡᠮᠵᠢ ᠳᠡᠬᠦᠰ ᠮᠦᠷᠳᠡᠬᠡᠨ ᠪᠠᠬᠢᠯᠢᠭ᠌ ᠰᠠᠶᠢᠬᠠᠨ ᠬᠦᠯᠢᠮ | ᠪᠤᠯᠵᠦ᠂ ᠵᠠᠷᠢᠮ ᠨᠢᠬᠡ ᠨᠢ ᠦᠨᠳᠤᠷ ᠦᠨᠡ ᠬᠠᠶᠠᠵᠦ ᠬᠤᠳᠠᠯᠳᠤᠵᠦ ᠠᠪᠤᠶᠠ ᠬᠡᠰᠡᠨ ᠪᠤᠯᠪᠠᠴᠦ ᠬᠤᠳᠠᠯᠳᠤᠭᠰᠠᠨ ᠦᠬᠡᠢ | ᠬᠡᠳᠡᠭ ᠡ᠃ ᠬᠦᠮᠦᠨ ᠰᠡᠳᠬᠢᠯ ᠳᠤ ᠪᠠᠨ ᠨᠠᠨᠳᠢᠨ ᠬᠡᠵᠦ ᠪᠤᠳᠤᠭᠰᠠᠨ᠂ ᠳᠤᠷᠠ ᠪᠠᠬᠠ ᠲᠠᠢ ᠵᠦᠢᠯ ᠢᠶᠠᠨ ᠬᠢᠬᠦ ᠳᠤ ᠲᠡᠷᠢᠬᠢ | ᠤᠶᠤᠨ ᠢᠶᠠᠨ ᠰᠢᠪᠬᠠᠵᠦ᠂ ᠰᠡᠳᠬᠢᠯ ᠪᠤᠳᠤᠯ ᠢᠶᠠᠨ ᠬᠠᠷᠠᠮ ᠦᠬᠡᠢ ᠶᠡᠬᠦᠯᠡᠵᠦ ᠳᠤᠬᠠᠢ ᠶᠢᠨ ᠦᠢᠯᠡ ᠪᠠᠨ ᠬᠦᠢᠴᠡᠬᠡᠳᠡᠭ ᠨᠢ | ᠳᠠᠩ ᠭᠠᠭᠴᠠ ᠤᠷᠤᠯᠭᠠ ᠤᠯᠬᠤ ᠶᠢᠨ ᠯᠠ ᠳᠦᠯᠦᠬᠡ ᠪᠢᠰᠢ ᠶᠤᠮ᠃ ᠬᠤᠳᠠᠴᠢᠯᠠᠯᠳᠠ ᠶᠢᠨ ᠤᠷᠤᠰᠬᠠᠯ ᠳᠤ ᠨᠢᠬᠡ ᠪᠦᠯᠦᠭ | ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠳᠤ ᠪᠠᠨ ᠬᠠᠶᠢᠷᠠ ᠲᠠᠢ᠂ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠢᠶᠠᠨ ᠦᠨᠡ ᠴᠠᠨᠠ ᠶᠢ ᠰᠠᠶᠢᠨ ᠮᠡᠳᠡᠵᠦ | ᠳᠡᠬᠦᠨ ᠢᠶᠠᠨ ᠦᠪᠯᠡᠵᠦ ᠤᠯᠠᠮᠵᠢᠯᠠᠬᠤ ᠪᠠᠷ ᠪᠠᠭ᠋ᠠᠷᠬᠠᠯ ᠪᠤᠯᠭᠠᠭᠰᠠᠨ ᠬᠤᠳᠠ ᠤᠷᠤᠭᠰᠠᠨ ᠬᠦᠮᠦᠰ ᠤᠨ ᠨᠢᠬᠡ ᠨᠢ ᠯᠠᠩᠳᠤ | ᠨᠠᠰᠤᠳᠠᠨ ᠪᠤᠯᠤᠨᠠ᠃ ᠲᠡᠷᠡ ᠤᠷᠮᠠ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠵᠦ᠂ ᠰᠡᠳᠬᠢᠯ ᠬᠦᠴᠦ ᠪᠠᠨ ᠰᠢᠩᠬᠡᠬᠡᠵᠦ ᠤᠷᠠᠯᠠᠭᠰᠠᠨ | ᠪᠦᠳᠦᠬᠡᠯ ᠪᠦᠬᠦᠨ ᠢᠶᠠᠨ ᠠᠷᠠᠯᠵᠢᠶᠠᠯᠠᠬᠤ ᠶᠢᠨ ᠡᠬᠦᠳᠡᠨ ᠠᠴᠠ ᠯᠠ ᠤᠷᠠᠯᠠᠳᠠᠭ ᠪᠢᠰᠢ᠃ ︽ᠮᠠᠨ ᠤ ᠮᠤᠩᠭᠤᠯ ᠬᠦᠮᠦᠨ | ᠴᠢᠨᠢ ᠦᠪᠡᠷ ᠤᠨ ᠢᠶᠠᠨ ᠮᠠᠯ ᠢᠳᠡᠬᠡᠨ ᠤ ᠠᠷᠠᠰᠤ ᠰᠢᠷᠢ ᠪᠠᠷ ᠭᠠᠷ ᠦᠵᠦᠬᠦᠷ ᠵᠠᠷᠤᠬᠤ ᠨᠤᠭᠲᠤ ᠳᠤᠱᠠ ᠠᠴᠠ ᠡᠬᠢᠯᠡᠬᠡᠳ | ᠬᠠᠵᠠᠭᠠᠷ᠂ ᠬᠦᠯᠢᠮ ᠵᠡᠷᠬᠡ ᠠᠮᠢᠳᠤᠷᠠᠯ ᠦᠢᠯᠡᠳᠪᠤᠷᠢᠯᠡᠯ ᠳᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠨ ᠬᠢᠬᠦ ᠨᠢ ᠪᠦᠷ ᠴᠤ ᠭᠤᠶᠤ᠃ ᠪᠡᠶᠡ | ᠳᠤ ᠪᠠᠰᠠ ᠲᠠᠮᠢᠷ ᠲᠡᠩᠬᠡᠬᠡ ᠪᠤᠯᠤᠨᠠ᠃ ᠶᠠᠭᠤᠮᠠ ᠶᠢ ᠬᠦᠮᠦᠨ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠵᠦ ᠪᠦᠳᠦᠬᠡᠬᠦ ᠯᠡ | ᠰᠠᠶᠢᠬᠠᠨ᠂ ᠰᠤᠷ ᠡᠳ᠋ᠯᠡᠯ᠂ ᠠᠷᠠᠰᠤᠨ ᠡᠳ᠋ᠯᠡᠯ ᠬᠢᠬᠦ ᠨᠢ ᠮᠠᠯᠴᠢᠨ ᠬᠦᠮᠦᠨ ᠤ ᠬᠢᠪᠡᠰᠦ ᠵᠤᠬᠢᠬᠤ ᠡᠳᠦᠷ ᠲᠤᠳᠤᠮ ᠤᠨ | ᠶᠡᠷᠦᠳᠡ ᠶᠢᠨ ᠠᠵᠢᠯ ᠰᠢᠦ ᠳ᠋ᠠ᠃ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠬᠢᠭᠰᠡᠨ ᠶᠠᠭᠤᠮᠠ ᠯᠡ ᠰᠠᠶ᠋ᠢ ᠵᠢᠩᠬᠢᠨᠢ ᠶᠠᠭᠤᠮᠠ ᠪᠤᠯᠵᠦ | ᠴᠢᠳᠠᠳᠠᠭ᠃ ᠮᠠᠯ ᠤᠨ ᠢᠶᠠᠨ ᠠᠰᠢᠭ ᠰᠢᠮᠡ ᠪᠠᠷ ᠬᠢᠭᠰᠡᠨ ᠵᠦᠢᠯᠡᠰ ᠢᠶᠠᠨ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠳᠠᠨᠢᠭᠤᠯᠵᠦ | ᠤᠯᠠᠮᠵᠢᠯᠠᠵᠦ ᠶᠠᠪᠤᠬᠤ ᠨᠢ ᠪᠢᠳᠡᠨ ᠤ ᠬᠠᠷᠢᠭᠤᠴᠠᠯᠭᠠ︾ ᠬᠡᠵᠦ ᠨᠠᠰᠤᠳᠠᠨ ᠪᠠᠶᠠᠷᠳᠠᠢ ᠶᠠᠷᠢᠨᠠ᠃ | ᠬᠦᠮᠦᠨ ᠤ ᠲᠤᠷᠠ ᠪᠠᠬᠠ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠬᠡᠳᠡᠭ ᠴᠠᠭ ᠢᠮᠠᠭᠳᠠ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠬᠡᠷᠡᠯ ᠬᠡᠬᠡ ᠪᠤᠯᠵᠦ᠂ | ᠡᠬᠡᠯ ᠵᠢᠷ ᠤᠨ ᠡᠳᠦᠷ ᠬᠤᠨᠤᠭ ᠢ ᠴᠤ ᠤᠳᠬᠠ ᠠᠭᠤᠯᠭᠠ ᠲᠠᠢ᠂ ᠪᠠᠶᠠᠷ ᠬᠦᠷ ᠲᠠᠢ ᠪᠤᠯᠭᠠᠳᠠᠭ᠃ ᠡᠳᠡᠬᠡᠷ ᠵᠢᠯ ᠤᠨ | ᠲᠤᠷᠰᠢ ᠡᠳᠡᠨᠡᠶᠢᠬᠢᠨ ᠬᠠᠨᠠᠨ ᠳᠡᠬᠡᠷᠡ ᠡᠯᠬᠦᠳ᠋ᠩ ᠠᠳᠤᠭᠤᠨ ᠤ ᠬᠢᠯᠭᠠᠰᠤ ᠪᠠᠷ ᠵᠡᠬᠡᠭᠯᠡᠭᠰᠡᠨ 2.7×1.6 ᠮᠧᠲᠷ ᠬᠡᠮᠵᠢᠶᠡ | ᠲᠠᠢ ᠢᠰᠡᠬᠡᠢ ᠤᠷᠠᠯᠠᠯ ᠠᠴᠠ ᠭᠠᠳᠠᠨᠠ᠂ ᠢᠰᠡᠬᠡᠢ ᠬᠤᠮ ᠰᠢᠷᠢᠳᠡᠭ᠂ ᠳᠡᠷᠬᠡᠨ ᠰᠠᠭᠤᠳᠠᠯ ᠤᠨ ᠢᠰᠡᠬᠡᠢ ᠤᠯᠪᠤᠭ ᠵᠡᠷᠬᠡ | ᠶᠡᠭᠡ ᠪᠠᠭᠠ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡᠨ ᠤ ᠤᠯᠠᠨ ᠵᠦᠢᠯ ᠤᠨ ᠢᠰᠡᠬᠡᠢ ᠤᠶᠤᠳᠠᠯ ᠤᠶᠤᠵᠤ ᠤᠷᠠᠯᠠᠨ᠂ ᠬᠡᠷ ᠲᠤ ᠪᠠᠨ ᠴᠢᠮᠡᠭ | ᠪᠤᠯᠭᠠᠬᠤ ᠪᠠᠷ ᠵᠤᠬᠢᠶᠠᠭᠰᠠᠨ ᠵᠢᠵᠢᠭᠬᠡᠨ ᠭᠠᠷ ᠤᠷᠠᠯᠠᠯ ᠤᠨ ᠡᠮᠡᠬᠡᠯ᠂ ᠠᠷᠠᠰᠤᠨ ᠪᠤᠭᠴᠤ ᠤᠷᠠᠯᠠᠵᠦ ᠬᠢᠭᠰᠡᠨ ᠪᠠ | ᠨᠠᠰᠤᠳᠠᠶᠢᠴᠦᠳ ᠤᠨ ᠨᠠᠭᠠᠳᠳᠠᠭ ᠡᠬᠦᠳᠡᠨ ᠪᠦᠮᠪᠦᠭᠡ ᠶᠢᠨ ᠴᠤᠬᠢᠭᠤᠷ ᠮᠡᠳᠦ ᠶᠢᠨ ᠮᠤᠳᠤᠨ ᠡᠳ᠋ᠯᠡᠯ ᠤᠨ ᠵᠦᠢᠯ ᠢ ᠴᠤ | ᠰᠤᠨᠢᠷᠬᠠᠨ ᠬᠢᠵᠦ ᠤᠷᠤᠯᠳᠤᠵᠦ ᠰᠠᠭᠤᠳᠠᠭ ᠨᠢ ᠲᠦᠷᠦᠯ ᠰᠠᠳᠤᠨ᠂ ᠳᠠᠨᠢᠯ ᠬᠦᠮᠦᠰ ᠤᠨ ᠢᠶᠠᠨ ᠪᠠᠭ᠋ᠠᠷᠬᠠᠯ ᠳᠤ ᠬᠦᠷᠴᠦ᠂ | ᠶᠠᠭᠤᠮᠠ ᠪᠤᠯᠭᠠᠨ ᠢ ᠤᠷᠤᠯᠳᠤᠵᠦ ᠦᠵᠡᠬᠦ ᠶᠤᠮᠰᠠᠨ ᠬᠡᠳᠡᠭ ᠦᠢᠯᠡᠰᠴᠢ ᠪᠦᠳᠦᠬᠡᠯᠴᠢ ᠬᠦᠮᠦᠨ ᠤ ᠨᠠᠨᠳᠢᠨ ᠴᠢᠨᠠᠷ ᠢ ᠬᠦᠮᠦᠨ | ᠵᠤᠨ ᠳᠤ ᠪᠠᠨ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | ᠨᠠᠰᠤᠳᠠᠨ ᠭᠤᠸᠠᠢ ᠪᠤᠰᠤᠳ ᠤᠨ ᠵᠠᠬᠢᠶᠠᠯᠭᠠ ᠪᠠᠷ ᠠᠷᠠᠰᠤᠨ ᠡᠮ ᠤᠨ ᠲᠤᠯᠤᠮ ᠪᠤᠯᠤᠨ ᠭᠤᠷᠪᠡᠨ ᠬᠤᠨᠢᠨ ᠤ | ᠠᠷᠠᠰᠤ ᠶᠢ ᠢᠳᠡᠬᠡᠯᠡᠵᠦ ᠤᠶᠤᠭᠰᠠᠨ ᠳ᠋ᠢᠶᠠᠮᠧᠲᠷ ᠨᠢ 50 ᠰᠡᠨᠲ᠋ᠢᠮᠧᠲᠷ ᠤᠨ ᠮᠤᠩᠭᠤᠯ ᠡᠮ ᠤᠨ ᠮᠠᠩᠬᠠᠭ ᠵᠡᠷᠬᠡ ᠴᠤᠯᠤ | ᠠᠷᠠᠰᠤᠨ ᠬᠡᠷᠡᠭᠰᠡᠯ ᠢ ᠬᠡᠳᠦᠨ ᠰᠠᠷᠠ ᠶᠢᠨ ᠴᠠᠭ ᠬᠡᠷᠡᠭᠰᠡᠵᠦ ᠬᠡᠷ ᠤᠨ ᠬᠦᠮᠦᠨ ᠲᠠᠢ ᠪᠠᠨ ᠬᠠᠮᠵᠢᠵᠦ ᠭᠠᠷ ᠢᠶᠠᠨ ᠭᠠᠷᠭᠠᠵᠦ | ᠤᠶᠤᠭᠰᠠᠨ ᠨᠢ ᠤᠯᠠᠮᠵᠢᠯᠠᠯᠳᠤ ᠠᠷᠠᠰᠤᠨ ᠡᠳ᠋ᠯᠡᠯ ᠢᠶᠠᠨ ᠨᠡᠩ ᠤᠯᠠᠨ ᠬᠦᠮᠦᠨ ᠳᠤ ᠳᠠᠨᠢᠭᠤᠯᠵᠦ ᠤᠯᠠᠮᠵᠢᠯᠠᠬᠤ ᠵᠠᠪᠰᠢᠶᠠᠨ | ᠪᠤᠯᠤᠭᠰᠠᠨ ᠶᠤᠮ᠃ | ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠠᠬᠢ ᠵᠢᠷ ᠤᠨ ᠠᠳᠠᠯᠠ ᠪᠠᠨ ᠬᠦᠮᠦᠨ ᠪᠤᠯᠭᠠᠨ ᠬᠢᠵᠦ ᠦᠯᠦ ᠴᠢᠳᠠᠬᠤ ᠭᠠᠷ ᠬᠢᠴᠡ ᠲᠠᠢ | ᠠᠷᠠᠰᠤᠨ ᠡᠳ᠋ᠯᠡᠯ᠂ ᠰᠤᠷ ᠡᠳ᠋ᠯᠡᠯ᠂ ᠢᠰᠡᠬᠡᠢ ᠤᠷᠠᠯᠠᠯ ᠬᠢᠵᠦ ᠪᠦᠳᠦᠬᠡᠬᠦ ᠳᠤ ᠠᠪᠢᠶᠠᠰ ᠴᠢᠳᠠᠪᠤᠷᠢ᠂ ᠬᠢᠴᠢᠶᠡᠯ ᠵᠢᠳᠬᠦᠯ᠂ | ᠲᠤᠷᠠ ᠬᠠᠶᠢᠷᠠ ᠪᠠᠨ ᠰᠢᠩᠬᠡᠬᠡᠵᠦ᠂ ᠡᠬᠦᠨ ᠢᠶᠠᠷ ᠢᠶᠠᠨ ᠦᠳᠡᠯᠦᠬᠡ ᠨᠠᠰᠤᠨ ᠤ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠤᠳᠬᠠ ᠠᠭᠤᠯᠭᠠ | ᠪᠠᠨ ᠪᠤᠯᠭᠠᠵᠦ ᠶᠠᠪᠤᠭᠰᠠᠨ ᠯᠠᠩᠳᠤ ᠨᠠᠰᠤᠳᠠᠨ ᠤ ᠰᠡᠳᠬᠢᠯ ᠳᠤ ᠪᠠᠨ ᠪᠤᠳᠤᠵᠦ ᠰᠠᠨᠠᠵᠦ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠬᠢᠵᠦ | ᠪᠦᠳᠦᠬᠡᠵᠦ ᠶᠠᠪᠤᠭᠰᠠᠨ ᠪᠦᠬᠦᠨ ᠨᠢ ᠪᠢᠳᠡᠨ ᠳᠤ ︽ᠠᠮᠢᠳᠤᠷᠠᠯ ᠳᠤ ᠪᠡᠯᠡᠨ ᠶᠠᠭᠤᠮᠠ ᠪᠠᠶᠢᠬᠤ ᠦᠬᠡᠢ᠂ ᠴᠦᠮ ᠢ | ᠬᠦᠴᠦᠯᠡᠵᠦ ᠲᠡᠮᠡᠴᠡᠵᠦ ᠪᠠᠶᠢᠵᠦ ᠤᠯᠬᠤ ᠶᠤᠰᠤᠳᠠᠢ᠃ ᠴᠤᠬᠤᠮ ᠡᠬᠦᠨ ᠳᠤ ᠠᠮᠢᠳᠤ ᠶᠠᠪᠤᠬᠤ ᠶᠢᠨ ᠰᠠᠶᠢᠬᠠᠨ᠂ | ᠠᠮᠢᠳᠤᠷᠠᠯ ᠤᠨ ᠰᠠᠶᠢᠬᠠᠨ ᠤᠷᠤᠰᠢᠳᠠᠭ︾ ᠬᠡᠵᠦ ᠬᠡᠯᠡᠭᠰᠡᠨ ᠮᠡᠷᠬᠡᠨ ᠬᠦᠮᠦᠨ ᠤ ᠦᠬᠡ ᠶᠢ ᠦᠨᠡᠨᠬᠦ ᠰᠠᠨᠠᠭᠳᠠᠭᠤᠯᠤᠯᠠ ︕ | ᠠᠷᠠᠰᠤᠨ ᠡᠳ᠋ᠯᠡᠯ᠂ ᠰᠤᠷ ᠡᠳ᠋ᠯᠡᠯ᠂ ᠢᠰᠡᠬᠡᠢ ᠤᠷᠠᠯᠠᠯ ᠪᠤᠯ ᠨᠡᠬᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ | ᠦᠢᠯᠡᠳᠪᠤᠷᠢᠯᠡᠯ ᠳᠠᠬᠢ ᠤᠷᠠᠯᠠᠬᠤᠢ ᠶᠢᠨ ᠤᠬᠠᠭᠠᠨ᠂ ᠳᠦᠷᠰᠦᠯᠢᠭ ᠤᠷᠠᠯᠢᠭ᠂ ᠪᠡᠯᠬᠡᠳᠡᠯ ᠵᠦᠢ ᠵᠡᠷᠬᠡ ᠤᠯᠠᠨ ᠳᠠᠯᠠ ᠶᠢᠨ | ᠰᠤᠶᠤᠯ ᠤᠨ ᠡᠯᠧᠮᠧᠨ᠋ᠲ ᠢ ᠠᠭᠤᠯᠤᠭᠰᠠᠨ ᠦᠨᠡᠳᠦ ᠵᠦᠢᠯ ᠪᠤᠯᠬᠤ ᠶᠤᠮ᠃ ᠪᠢᠳᠡ ᠦᠨᠳᠦᠰᠦᠳᠡᠨ ᠤ ᠪᠠᠨ ᠰᠤᠶᠤᠯ ᠤᠨ | ᠠᠴᠢᠶᠠ ᠶᠢ ᠳᠡᠬᠡᠬᠡᠵᠦ᠂ ᠤᠤᠭᠠᠯ ᠰᠤᠶᠤᠯ ᠢᠶᠠᠨ ᠦᠪᠯᠡᠵᠦ ᠶᠠᠪᠤᠭᠠ ᠠᠬᠠᠮᠠᠳ ᠨᠢᠬᠡ ᠦᠶᠡ ᠶᠢᠨ ᠬᠦᠮᠦᠰ ᠢᠶᠠᠨ | ᠬᠦᠨᠳᠦᠳᠬᠡᠨ ᠬᠠᠶᠢᠷᠠᠯᠠᠵᠦ᠂ ᠳᠡᠳᠡᠨ ᠠᠴᠠ ᠲᠠᠭᠠᠨ ᠰᠤᠷᠤᠯᠴᠠᠬᠤ ᠶᠢᠨ ᠳᠠᠭᠠᠤ ᠬᠢᠵᠦ ᠪᠦᠳᠦᠬᠡᠭᠰᠡᠨ ᠢ ᠨᠢ ᠤᠷᠮᠠ ᠪᠠᠷ | ᠳᠡᠳᠬᠦᠵᠦ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠨ ᠢᠶᠠᠨ ᠡᠴᠢᠨᠡ ᠭᠠᠶᠢᠬᠠᠮᠰᠢᠭ ᠢ ᠤᠯᠠᠮ ᠴᠢᠨᠠᠭᠰᠢᠳᠠ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠬᠦ | ᠴᠢᠬᠤᠯᠠᠳᠠᠢ︕ | |