| ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠲᠦᠪ ᠰᠢᠨᠡᠪᠤᠯᠠᠭ ᠪᠠᠯᠭᠠᠰᠤᠨ ᠤ ︽ᠬᠤᠨᠢᠴᠢᠨ ᠬᠠᠰᠢᠶᠠᠲᠤ︾ ᠮᠤᠩᠭᠤᠯ | ᠬᠤᠪᠴᠠᠰᠤᠨ ᠤ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ ᠶᠢᠨ ᠡᠷᠬᠢᠯᠡᠭᠴᠢ ᠲᠤᠶᠠᠭᠠ ᠪᠤᠯ ᠬᠤᠰᠢᠭᠤ ᠱᠠᠲᠤᠨ ᠤ ︽ᠬᠠᠮᠤᠭ ᠭᠤᠶᠤ ᠭᠡᠷ | ᠪᠦᠯᠢ ᠶᠢᠨ ᠤᠳᠤᠨ︾᠂ ︽ᠬᠤᠲᠠ ᠤᠷᠤᠵᠤ ᠦᠢᠯᠡᠰ ᠪᠤᠰᠬᠠᠭᠰᠠᠨ ᠠᠵᠤ ᠠᠬᠤᠶᠢᠯᠠᠯᠲᠠᠨ︾᠂ ︽ ᠬᠦᠳᠡᠯᠮᠦᠷᠢ ᠶᠢᠨ | ᠵᠢᠱᠢᠶᠠᠴᠢ︾ ᠵᠡᠷᠭᠡ ᠤᠯᠠᠨ ᠰᠠᠶᠢᠬᠠᠨ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠵᠤ ᠤᠯᠠᠨ ᠤ ᠳᠤᠮᠳᠠ ᠪᠠᠨ ᠤᠳᠤ | ᠪᠤᠯᠵᠤ ᠶᠠᠪᠤᠭᠠ ᠰᠤᠳᠤᠨ ᠪᠦᠰᠡᠭᠦᠢ ᠪᠢᠯᠡ᠃ | ᠲᠤᠶᠠᠭᠠ ᠪᠤᠯ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠪᠤᠭᠳᠠ ᠶᠢᠨ ᠭᠤᠤᠯ ᠰᠤᠮᠤᠨ ᠤ ᠬᠤᠨᠢᠴᠢᠨ ᠬᠠᠰᠢᠶᠠᠲᠤ | ᠭᠠᠴᠠᠭᠠᠨ ᠤ ᠵᠢᠷ ᠤᠨ ᠨᠢᠭᠡ ᠮᠠᠯᠴᠢᠨ ᠪᠦᠰᠡᠭᠦᠢ ᠶᠤᠮ᠃ 1997 ᠤᠨ ᠳᠤ ᠬᠤᠰᠢᠭᠤᠨ ᠲᠦᠪ ᠣᠷᠣᠵᠦ᠂ ᠬᠤᠶᠠᠷ | ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠭᠤᠯᠢ ᠰᠣᠶᠣᠯ ᠤᠨ ᠮᠦᠷ ᠬᠦᠭᠡᠭᠡᠯᠭᠡᠵᠦ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠶᠢ ᠨᠢ ᠵᠢᠯᠤᠭᠤᠳᠬᠤ ᠶᠢᠨ ᠳᠠᠭᠠᠤ᠂ | ᠦᠢᠯᠡ ᠤᠶᠤᠳᠠᠯ ᠤᠨ ᠤᠷᠠ ᠠᠪᠢᠶᠠᠰ ᠳᠠᠭᠠᠨ ᠬᠦᠲᠦᠯᠦᠭᠳᠡᠨ ᠤᠶᠤᠳᠠᠯ ᠤᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠵᠠᠢ᠃ ︽ᠲᠦᠮᠡᠨ | ᠠᠯᠬᠤᠮ ᠤᠨ ᠲᠦᠷᠦᠭᠦᠦ ᠠᠯᠬᠤᠮ ᠨᠢ ᠬᠦᠴᠢᠷ︾ ᠭᠡᠳᠡᠭᠴᠢᠯᠡᠨ ᠡᠬᠢᠯᠡᠵᠦ ᠬᠢᠬᠦ ᠦᠶᠡ ᠳᠤ ᠤᠯᠠᠨ ᠬᠦᠴᠢᠷᠳᠡᠯ ᠳᠤ | ᠲᠤᠯᠭᠠᠷᠠᠵᠤ᠂ ᠪᠡᠯᠡ ᠮᠦᠩᠭᠦ ᠬᠤᠮᠰᠠ ᠠᠴᠠ ᠪᠤᠯᠵᠤ᠂ ᠲᠤᠷᠭᠠ ᠪᠠᠷᠠᠭᠠ ᠤᠷᠤᠭᠤᠯᠬᠤ ᠲᠠᠯᠠ ᠪᠠᠷ ᠬᠦᠴᠢᠷᠳᠡᠨ᠂ | ᠵᠤᠴᠢᠳ ᠤᠨ ᠢᠶᠠᠨ ᠪᠠᠷᠠᠭᠠ ᠪᠠᠷ ᠴᠠᠮᠴᠠ᠂ ᠮᠤᠲ᠋ᠤᠷ ᠤᠨ ᠬᠠᠨᠴᠣᠶᠢᠪᠴᠢ᠂ ᠡᠪᠦᠳᠦᠭᠴᠢ ᠵᠡᠷᠭᠡ ᠶᠠᠭᠤ ᠤᠶᠤᠭᠤᠯᠬᠤ ᠭᠡᠰᠡᠨ | ᠪᠦᠬᠦᠨ ᠢ ᠣᠶᠣᠵᠦ᠂ ᠬᠦᠮᠦᠨ ᠬᠠᠷᠠ ᠳᠡᠮᠡᠢ ᠲᠠᠨᠢᠬᠤ ᠦᠭᠡᠢ᠂ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠤᠶᠢᠯᠠᠭᠠᠯᠲᠠ ᠪᠠᠷ ᠭᠦᠢᠬᠡᠨ ᠪᠠᠶᠢᠵᠤ | ᠂ ᠬᠦᠯ ᠤᠯᠠ ᠪᠠᠨ ᠤᠯᠵᠤ ᠳᠡᠶᠢᠯᠦᠭᠡ ᠦᠭᠡᠢ ᠠᠴᠠ ᠤᠶᠤᠳᠠᠯ ᠤᠨ ᠵᠠᠬᠢᠶᠠᠯᠠᠭᠠ ᠴᠦ ᠴᠦᠬᠡᠨ᠂ ᠭᠡᠷ ᠤᠨ ᠲᠦᠷᠢᠶᠡᠰᠦ | ᠪᠠᠨ ᠭᠠᠷᠭᠠᠪᠠᠯ ᠳᠡᠮᠡᠢ ᠤᠷᠤᠯᠭᠠ ᠤᠯᠳᠠᠭ ᠦᠭᠡᠢ ᠪᠠᠶᠢᠵᠤ ᠪᠢᠯᠡ᠃ | 2001 ᠤᠨ ᠪᠤᠯᠬᠤ ᠳᠤ ᠲᠤᠶᠠᠭᠠ ᠨᠡᠯᠢᠶᠡᠳ ᠬᠡᠮᠵᠢᠶᠡᠨ ᠤ ᠪᠡᠯᠡ ᠮᠦᠩᠭᠦᠨ ᠤ ᠬᠤᠷᠠᠮᠳᠤᠭᠤᠯᠭᠠ ᠪᠠ ᠵᠠᠬᠠ | ᠳᠡᠯᠭᠡᠭᠦᠷ ᠤᠨ ᠬᠠᠨᠳᠤᠰᠢ ᠶᠢᠨ ᠤᠶᠢᠯᠠᠭᠠᠯᠲᠠ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠡᠨᠡ ᠰᠠᠶᠢᠬᠠᠨ ᠡᠷᠲᠡ ᠳᠡᠭᠡᠳᠦ | ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠡᠷᠬᠢᠮ ᠨᠠᠨᠳᠢᠨ ᠦᠢᠯᠡ ᠤᠶᠤᠳᠠᠯ ᠤᠨ ᠦᠪ ᠰᠤᠶᠤᠯ ᠢᠶᠠᠨ ᠨᠡᠩ ᠤᠯᠠᠨ ᠬᠦᠮᠦᠨ ᠳᠤ | ᠲᠠᠨᠢᠭᠤᠯᠤᠶᠠ ᠭᠡᠰᠡᠨ ᠪᠤᠳᠤᠯ ᠠᠴᠠ ᠤᠯᠠᠮᠵᠢᠯᠠᠯᠲᠤ ᠴᠠᠬᠠᠷ ᠲᠡᠷᠯᠢᠭ ᠤᠶᠤᠬᠤ ᠪᠠᠷ ᠭᠤᠤᠯᠳᠠᠭᠤᠯᠤᠭᠰᠠᠨ ︽ᠬᠤᠨᠢᠴᠢᠨ | ᠬᠠᠰᠢᠶᠠᠲᠤ︾ ᠤᠶᠤᠳᠠᠯ ᠤᠨ ᠳᠡᠯᠭᠡᠭᠦᠷ ᠢᠶᠠᠨ ᠨᠡᠭᠡᠭᠡᠵᠦ᠂ ᠳᠡᠯᠭᠡᠭᠦᠷ ᠢᠶᠠᠨ ᠡᠳᠦᠷ ᠠᠴᠠ ᠡᠳᠦᠷ ᠦᠭᠡᠳᠡ ᠲᠠᠲᠠᠵᠤ | ᠶᠠᠪᠤᠬᠤ ᠶᠢᠨ ᠲᠤᠯᠠᠳᠠ᠂ ᠰᠢᠷᠭᠠᠭᠤ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠤ ᠢᠷᠡᠭᠰᠡᠨ ᠢᠶᠠᠷ᠂ 2004 ᠤᠨ ᠪᠤᠯᠬᠤ ᠳᠤ ᠳᠦᠷᠢᠶᠡᠰᠦᠯᠡᠵᠦ | ᠪᠠᠶᠢᠭᠰᠠᠨ ᠭᠡᠷ ᠢᠶᠠᠨ ᠬᠤᠳᠠᠯᠳᠤᠨ ᠠᠪᠴᠤ᠂ ᠤᠶᠤᠳᠠᠯ ᠦᠢᠯᠡ ᠶᠢᠨ ᠵᠠᠬᠠ ᠳᠡᠯᠬᠡᠬᠦᠷ ᠲᠡᠬᠡᠷᠡ ᠦᠪᠡᠷ ᠤᠨ ᠭᠡᠰᠡᠨ ᠤᠷᠤᠨ | ᠵᠠᠢ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠤᠳᠠᠭᠠᠬᠤ ᠦᠭᠡᠢ ᠭᠡᠳᠡᠭᠴᠢᠯᠡᠨ ᠲᠤᠶᠠᠭᠠ ᠶᠢᠨ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠵᠠᠩ᠂ | ᠡᠷᠡᠰ ᠬᠠᠲᠠᠭᠤ ᠵᠤᠷᠢᠭ᠂ ᠬᠠᠯᠠᠭᠤᠮᠰᠤᠭ ᠤᠪᠤᠷ᠂ ᠦᠨᠡᠨᠴᠢ ᠲᠤᠰᠠᠷᠬᠠᠭ ᠠᠷᠠᠨᠰᠢᠨ ᠪᠠ ᠤᠷᠠᠨ ᠰᠠᠶᠢᠬᠠᠨ ᠦᠢᠯᠡ ᠤᠶᠤᠳᠠᠯ | ᠢᠶᠠᠷ ᠢᠶᠠᠨ ᠬᠦᠮᠦᠨ ᠤᠯᠠᠨ ᠤ ᠪᠠᠨ ᠢᠲᠡᠭᠡᠯ ᠰᠡᠳᠬᠢᠯ ᠢ ᠤᠯᠵᠤ᠂ ᠴᠠᠬᠠᠷ ᠳᠡᠪᠡᠯ ᠤᠨ ᠢᠶᠠᠨ ᠨᠠᠷᠢᠨ ᠤᠶᠤᠳᠠᠯ᠂ ᠬᠡᠪ | ᠨᠠᠮᠪᠠ ᠶᠢ ᠤᠯᠠᠨ ᠬᠦᠮᠦᠨ ᠳᠤ ᠳᠠᠨᠢᠭᠤᠯᠵᠦ ᠤᠬᠠᠭᠤᠯᠵᠦ ᠴᠢᠳᠠᠭᠰᠠᠨ ᠢᠶᠠᠷ ᠳᠡᠯᠭᠡᠭᠦᠷ ᠤᠨ ᠤᠷᠤᠯᠭᠠ ᠴᠤ ᠤᠯᠠᠮ | ᠨᠡᠮᠡᠭᠳᠡᠵᠦ᠂ 2015 ᠤᠨ ᠳᠤ ︽ᠬᠤᠨᠢᠴᠢᠨ ᠬᠠᠰᠢᠶᠠᠲᠦ︾ ᠳᠡᠯᠭᠡᠬᠦᠷ ᠢᠶᠠᠨ ᠺᠤᠮᠫᠠᠨᠢ ᠪᠤᠯᠭᠠᠨ ᠦᠷᠭᠡᠳᠬᠡᠵᠤ᠂ 2016 | ᠤᠨ ᠠᠴᠠ ᠡᠬᠢᠯᠡᠨ 90 ᠳᠡᠭᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠵᠡᠭᠡᠯᠢ ᠶᠢᠨ ᠠᠰᠠᠷ ᠳᠦᠷᠢᠶᠡᠰᠦᠯᠡᠵᠦ᠂ ᠪᠠᠰᠠ ᠨᠡᠯᠢᠶᠡᠳ | ᠬᠡᠳᠦᠨ ᠭᠠᠷ ᠱᠠᠪᠢ ᠬᠦᠮᠦᠵᠢᠬᠦᠯᠬᠦ ᠶᠢᠨ ᠳᠠᠭᠠᠤ ᠤᠷᠢᠳ ᠬᠤᠵᠢᠳ ᠬᠤᠳᠠ ᠤᠷᠤᠭᠰᠠᠨ 8 ᠮᠠᠯᠴᠢᠨ ᠳᠤ ᠪᠠᠨ ᠠᠵᠢᠯ | ᠤᠯᠭᠤᠵᠦ ᠳᠡᠳᠡᠨ ᠤ ᠠᠮᠢᠳᠤᠷᠠᠯ ᠳᠤ ᠨᠢ ᠳᠤᠰᠠ ᠳᠡᠮ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ︽2006 ᠤᠨ ᠳᠤ ᠤᠮᠪᠤᠯᠤ ᠪᠠᠨ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠯᠭᠠᠬᠤ ᠭᠡᠳ ᠬᠤᠰᠢᠭᠤᠨ ᠲᠦᠪ ᠳᠤ ᠤᠷᠤᠵᠤ | ᠢᠷᠡᠭᠰᠡᠨ ᠠᠴᠠ ᠡᠬᠢᠯᠡᠵᠦ ᠠᠳᠡ ᠠᠵᠢᠯᠯᠠᠭᠠᠳ 16 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠦ ᠪᠠᠶᠢᠨᠠ︔ ᠲᠤᠶᠠᠭᠠ ᠮᠠᠨᠢ ᠪᠢᠳᠡᠨ ᠢ | ᠢᠶᠠᠨ ᠦᠷᠭᠦᠯᠵᠢ ᠬᠠᠯᠠᠮᠵᠢᠯᠠᠵᠦ ᠶᠠᠪᠤᠳᠠᠭ︔ ᠡᠪ ᠬᠠᠪᠤ ᠦᠭᠡᠢ ᠤᠶᠤᠭᠰᠠᠨ ᠵᠦᠢᠯ ᠪᠠᠶᠢᠭᠰᠠᠨ ᠴᠦ ᠶᠡᠷᠦ ᠠᠴᠠ ᠠᠭᠤᠷᠯᠠᠵᠤ | ᠤᠴᠠᠭᠠᠷᠳᠠᠳᠠᠭ ᠦᠭᠡᠢ᠂ ᠬᠦᠯᠢᠴᠡᠩᠭᠦᠢ ᠪᠠᠷ ᠪᠢᠳᠡᠨ ᠢ ᠵᠢᠭᠠᠨ ᠵᠢᠯᠤᠭᠤᠳᠴᠤ᠂ ᠬᠡᠨ ᠨᠢᠭᠡ ᠨᠢ ᠤᠴᠢᠷ ᠶᠠᠪᠤᠳᠠᠯ ᠲᠠᠢ | ᠪᠤᠯᠪᠠᠯ ᠡᠪ ᠵᠦᠢ ᠶᠢ ᠨᠢ ᠦᠵᠡᠵᠦ ᠪᠠᠶᠢᠭᠠᠳ ᠵᠤᠬᠢᠴᠠᠭᠤᠯᠵᠤ ᠦᠭᠳᠡᠭ︔ ᠶᠠᠭᠠᠷᠠᠤ ᠦᠶᠡ ᠳᠡᠭᠡᠨ ᠪᠦᠷ ᠯᠡ ᠠᠳᠡ ᠪᠠᠨ | ᠬᠤᠭᠤᠯᠠᠯᠠᠴᠢᠬᠠᠳᠠᠭ︔ ᠪᠤᠯᠬᠤ ᠶᠢᠨ ᠬᠢᠷᠢ ᠪᠠᠷ ᠯᠡ ᠪᠢᠳᠡᠨ ᠳᠤ ᠢᠯᠡᠭᠦᠬᠡᠨ ᠤᠷᠤᠯᠭᠠ ᠤᠯᠭᠤᠬᠤ ᠪᠠᠷ ᠴᠢᠷᠮᠠᠶᠢᠵᠤ | ᠶᠠᠪᠤᠳᠠᠭ ᠳ᠋ᠠ︾ ᠭᠡᠵᠦ 63 ᠨᠠᠰᠤᠲᠠᠢ ᠱᠠᠪᠢ ᠤᠶᠤᠳᠠᠯᠴᠢᠨ ᠪᠠᠳᠮᠠ ᠭᠤᠸᠠᠢ ᠤᠴᠢᠷᠲᠠᠶᠢᠬᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ᠤᠳᠤ ᠪᠤᠯᠬᠤ ᠳᠤ ᠲᠤᠶᠠᠭᠠ 165 ᠳᠡᠭᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠦᠪᠡᠷ ᠤᠨ ᠬᠡᠰᠡᠨ ᠵᠡᠭᠡᠯᠢ ᠶᠢᠨ ᠠᠰᠠᠷ | ᠲᠠᠢ ᠪᠤᠯᠵᠤ᠂ ᠲᠤᠷᠭᠠ ᠪᠠᠷᠠᠭᠠ ᠪᠠᠨ ᠬᠦᠬᠡᠬᠤᠲᠠ᠂ ᠡᠷᠢᠶᠡᠨ᠂ ᠱᠢ ᠵᠢᠶᠠ ᠵᠤᠸᠠᠩ ᠵᠡᠷᠭᠡ ᠭᠠᠵᠠᠷ ᠠᠴᠠ ᠤᠷᠤᠭᠤᠯᠵᠤ᠂ | ᠬᠤᠷᠠᠭᠠᠨ ᠠᠷᠠᠰᠤᠨ ᠳᠡᠪᠡᠯ᠂ ᠬᠠᠪᠤᠭᠠᠰᠤ ᠲᠠᠢ ᠳᠡᠪᠡᠯ᠂ ᠴᠠᠮᠴᠠ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠴᠠᠬᠠᠷ ᠲᠡᠷᠯᠢᠭ ᠤᠶᠤᠵᠤ᠂ ᠵᠢᠯ | ᠳᠤ 600 ᠵᠠᠬᠠ ᠲᠡᠷᠯᠢᠭ ᠤᠨ ᠵᠠᠬᠢᠶᠠᠯᠠᠭᠠ ᠲᠤᠰᠴᠤ᠂ ᠳᠡᠪᠡᠯ ᠨᠢ ᠬᠦᠬᠡᠬᠤᠲᠠ᠂ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠰᠢᠭᠤ᠂ | ᠳᠦᠷᠪᠡᠳ ᠬᠤᠰᠢᠭᠤ ᠵᠡᠷᠭᠡ ᠤᠶᠢᠷᠠ ᠵᠡᠷᠭᠡᠯᠡᠳᠡᠭᠡ ᠤᠯᠠᠨ ᠬᠤᠰᠢᠭᠤᠨ ᠰᠢᠶᠠᠨ ᠢᠶᠠᠷ ᠪᠤᠷᠤᠯᠠᠭᠤᠯᠤᠭᠳᠠᠵᠤ᠂ ︽ᠲᠤᠷᠭᠠᠨ | ᠨᠤᠲᠤᠭ︾ ᠭᠡᠬᠦ ᠲᠠᠸᠠᠷ ᠤᠨ ᠳᠡᠮᠳᠡᠭ ᠲᠠᠢ ᠪᠤᠯᠵᠤ᠂ ᠵᠢᠯ ᠳᠤ ᠬᠤᠷᠢᠨ ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠴᠡᠪᠡᠷ ᠤᠷᠤᠯᠭᠠ | ᠡᠬᠦᠳᠴᠦ ᠪᠠᠶᠢᠨᠠ᠃ | ᠲᠤᠶᠠᠭᠠ ᠦᠢᠯᠡ ᠤᠶᠤᠳᠠᠯ ᠤᠨ ᠦᠢᠯᠡᠰ ᠲᠤ ᠡᠴᠢᠨᠡᠭᠡᠨ ᠵᠢᠯ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠢᠶᠠᠷ ᠡᠨᠡᠬᠦ ᠰᠠᠶᠢᠬᠠᠨ | ᠰᠤᠶᠤᠯ ᠤᠯᠠᠮᠵᠢᠯᠠᠯ ᠤᠨ ᠢᠶᠠᠨ ᠤᠷᠠ ᠮᠡᠷᠭᠡᠵᠢᠯ ᠢᠶᠠᠨ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠮᠡᠳᠡᠭᠦᠯᠵᠦ ᠤᠯᠠᠮᠵᠢᠯᠠᠭᠤᠯᠬᠤ | ᠡᠭᠦᠳᠡᠨ ᠠᠴᠠ ᠪᠠᠭᠠ ᠠᠴᠠ ᠪᠠᠨ ᠦᠢᠯᠡ ᠤᠶᠤᠳᠠᠯ ᠳᠤ ᠳᠡᠮ ᠲᠠᠢ ᠬᠦᠦ ᠨᠠᠨᠳᠢᠨ ᠢᠶᠠᠨ ᠦᠪᠡᠷ ᠤᠨ ᠭᠠᠷ ᠱᠠᠪᠢ ᠪᠠᠷ | ᠬᠦᠮᠦᠵᠢᠭᠦᠯᠵᠦ᠂ ᠳᠡᠪᠡᠯ ᠡᠰᠬᠡᠬᠦ᠂ ᠰᠢᠯᠪᠢ ᠬᠦᠪᠦᠷᠢᠳᠡᠬᠦ᠂ ᠲᠤᠪᠴᠢ ᠬᠠᠳᠠᠬᠤ ᠵᠡᠷᠭᠡ ᠦᠨᠳᠦᠰᠦᠨ ᠤᠶᠤᠳᠠᠯ ᠤᠨ | ᠮᠡᠷᠭᠡᠵᠢᠯ ᠠᠴᠠ ᠡᠬᠢᠯᠡᠨ ᠡᠵᠡᠮᠰᠢᠭᠦᠯᠵᠦ᠂ ᠤᠷᠠ ᠳᠡᠮ ᠢᠶᠠᠨ ᠦᠪᠯᠠᠭᠦᠯᠵᠠᠢ᠃ ᠲᠡᠷᠡᠪᠡᠷ ᠨᠡᠩ ᠤᠯᠠᠨ ᠵᠠᠯᠠᠭᠤᠴᠤᠳ ᠢ | ᠬᠦᠮᠦᠵᠢᠭᠦᠯᠦᠨ ᠦᠨᠳᠦᠰᠦᠲᠡᠨ ᠤ ᠪᠠᠨ ᠦᠪ ᠰᠤᠶᠤᠯ ᠢ ᠬᠦᠭᠵᠢᠨ ᠪᠠᠳᠠᠷᠠᠭᠠᠬᠤ ᠳᠤ ᠦᠪᠡᠷ ᠤᠨ ᠭᠡᠰᠡᠨ ᠨᠢᠭᠡᠨ ᠬᠤᠪᠢ | ᠬᠦᠴᠦ ᠪᠠᠨ ᠡᠷᠭᠦᠬᠦ ᠳᠤ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠠᠶᠢᠯᠠ᠃ |