| ᠵᠠᠷᠢᠮ ᠭᠠᠵᠠᠷ ᠲᠤ ᠫᠠᠷᠵᠢ ᠶᠢ ᠪᠠᠰᠠ ᠪᠠᠵᠢ ᠬᠡᠬᠦ ᠪᠣᠶᠣ ᠫᠠᠵᠢ ᠭᠡᠳᠡᠭ᠃ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ | ᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠠᠴᠠ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠠᠪᠣᠨ ᠪᠣᠯᠳᠠᠯᠠ ᠭᠡᠷ ᠢᠶᠠᠷ ᠢᠶᠠᠨ ᠪᠣᠶᠣ | ᠬᠡᠳᠦᠨ ᠭᠡᠷ ᠢᠶᠠᠷ ᠢᠶᠠᠨ ᠨᠡᠶᠢᠯᠡᠨ ᠰᠠᠭᠤᠭᠠᠳ ᠨᠠᠭᠠᠳᠳᠠᠭ ᠨᠠᠭᠠᠳᠣᠮ ᠤᠨ ᠨᠢᠭᠡ ᠵᠦᠢᠯ᠃ ᠫᠠᠷᠵᠢ ᠨᠠᠭᠠᠳᠬᠤ ᠶᠢ | ᠪᠠᠰᠠ ᠫᠠᠷᠵᠢ ᠬᠠᠶᠠᠬᠤ ᠭᠡᠳᠡᠭ᠃ ᠫᠠᠷᠵᠢ ᠳᠣᠭᠯᠠᠭᠠᠮ ᠨᠢ ᠫᠠᠷᠵᠢ᠂ ᠫᠠᠷᠵᠢ ᠶᠢᠨ ᠬᠦᠯᠭᠡ᠂ ᠫᠠᠷᠵᠢ ᠶᠢᠨ ᠪᠣᠬᠠ ︵ | ᠫᠠᠷᠵᠢ ᠶᠢᠨ ᠨᠣᠬᠠᠢ ᠴᠦ ᠭᠡᠳᠡᠭ︶ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠦᠳᠡᠭ᠃ | ᠳᠦᠷᠪᠡᠨ ᠡᠭᠦᠳᠡ ᠲᠠᠢ ᠳᠣᠨᠣᠯᠵᠢᠭᠤᠯᠣᠨ ᠵᠢᠷᠣᠭᠰᠠᠨ ᠢ ᠳᠣᠨᠣᠯᠵᠢᠨ ᠬᠦᠯᠭᠡ᠂ ᠡᠪᠭᠡᠮᠡᠯ ᠬᠦᠯᠭᠡ ᠭᠡᠳᠡᠭ᠃ | ᠳᠣᠨᠣᠯᠵᠢᠨ ᠬᠦᠯᠭᠡ ᠪᠣᠯ ᠭᠤᠣᠯ ᠳᠣᠮᠳᠠ ᠪᠠᠨ ᠮᠠᠩᠭᠤᠰ ᠤᠨ ᠠᠮᠠ ᠬᠡᠬᠦ ᠫᠠᠷᠵᠢ ᠪᠣᠯᠣᠨ ᠪᠣᠬᠠ ᠬᠠᠪᠳᠠᠭᠠᠯᠠᠨ | ᠬᠠᠳᠠᠭᠠᠯᠠᠬᠤ ᠣᠭᠤᠳᠠ ᠲᠠᠢ ᠪᠠᠶᠢᠳᠠᠭ᠃ ᠫᠠᠷᠵᠢ ᠶᠢᠨ ᠳᠣᠨᠣᠯᠵᠢᠨ ᠬᠦᠯᠭᠡ ᠶᠡᠷᠡᠨ ᠵᠢᠷᠭᠤᠭᠠᠨ ᠳᠡᠭᠰᠢ | ᠳᠦᠷᠪᠡᠯᠵᠢᠨ ᠰᠠᠭᠤᠳᠠᠯ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃ ᠳᠣᠨᠣᠯᠵᠢᠨ ᠬᠦᠯᠭᠡ ᠪᠣᠯ ᠳᠣᠨᠣᠯᠵᠢᠨ ᠬᠡᠯᠪᠡᠷᠢ ᠪᠠᠷ ᠳᠦᠷᠪᠡᠨ | ᠳᠡᠰᠢ ᠭᠠᠷᠣᠭᠰᠠᠨ ᠳᠦᠷᠪᠡᠨ ᠡᠭᠦᠳᠡ ᠲᠠᠢ᠂ ᠡᠭᠦᠳᠡ ᠪᠦᠷᠢ ᠠᠴᠠ ᠭᠠᠳᠠᠭᠰᠢ ᠭᠤᠷᠪᠠᠨ ᠮᠦᠷ ᠢᠶᠠᠷ ᠴᠣᠩᠬᠤᠴᠢᠯᠠᠨ | ᠭᠠᠷᠣᠭᠰᠠᠨ ᠬᠤᠷᠢᠨ ᠳᠦᠷᠪᠡᠨ ᠳᠦᠷᠪᠡᠯᠵᠢ ᠰᠠᠭᠤᠳᠠᠯ ᠲᠠᠢ ᠪᠦᠭᠡᠳ ᠡᠨᠡ ᠬᠦ ᠬᠤᠷᠢᠨ ᠳᠦᠷᠪᠡᠨ ᠰᠠᠭᠤᠳᠠᠯ ᠤᠨ | ᠭᠠᠳᠠᠷ ᠬᠤᠶᠠᠷ ᠮᠦᠷ ᠤᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠰᠠᠭᠤᠳᠠᠯ ᠤᠨ ᠬᠠᠮᠤᠭ ᠢᠵᠠᠭᠤᠷ ᠤᠨ ᠰᠠᠭᠤᠳᠠᠯ ᠢ ᠰᠣᠭᠤ᠂ | ᠳᠡᠭᠦᠨ ᠤ ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ ᠳᠠᠮᠠᠷᠣ ᠬᠤᠭᠤᠷᠣᠨᠳᠣ᠂ ᠳᠡᠭᠦᠨ ᠤ ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ ᠳᠠᠮᠠᠷᠣ᠂ ᠳᠡᠭᠦᠨ ᠤ | ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ ᠬᠦᠨᠳᠡᠢ᠂ ᠳᠡᠭᠦᠨ ᠤ ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ ᠪᠠᠬᠢ᠂ ᠳᠡᠭᠦᠨ ᠤ ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ | ᠪᠠᠬᠢ ᠬᠤᠭᠤᠷᠣᠨᠳᠣ᠂ ᠳᠡᠭᠦᠨ ᠤ ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ ᠨᠢᠳᠦ᠂ ᠳᠡᠭᠦᠨ ᠤ ᠳᠠᠷᠠᠭᠠᠬᠢ ᠰᠠᠭᠤᠳᠠᠯ ᠢ ᠰᠡᠡᠴᠢᠭ᠂ | ᠬᠤᠶᠠᠷ ᠰᠡᠡᠴᠢᠭ` ᠤᠨ ᠳᠣᠮᠳᠠᠬᠢ ᠨᠢᠭᠡᠨ ᠰᠠᠭᠤᠳᠠᠯ ᠢ ᠭᠤᠣᠯ ᠣᠷᠣᠢ ᠭᠡᠳᠡᠭ᠃ ᠨᠢᠭᠡ ᠪᠣᠬᠠ ᠶᠢᠨ ᠶᠠᠪᠣᠵᠣ ᠢᠷᠡᠬᠦ | ᠨᠠᠶᠠᠨ ᠳᠠᠪᠣᠨ ᠳᠦᠷᠪᠡᠯᠵᠢ ᠰᠠᠭᠤᠳᠠᠯ᠂ ᠨᠠᠢᠮᠠᠨ ᠰᠣᠭᠤ᠂ ᠨᠠᠢᠮᠠᠨ ᠳᠠᠮᠠᠷᠣ ᠬᠤᠭᠤᠷᠣᠨᠳᠣ᠂ ᠨᠠᠢᠮᠠᠨ ᠳᠠᠮᠠᠷᠣ᠂ | ᠨᠠᠢᠮᠠᠨ ᠬᠦᠨᠳᠡᠢ᠂ ᠨᠠᠢᠮᠠᠨ ᠪᠠᠬᠢ᠂ ᠨᠠᠢᠮᠠᠨ ᠪᠠᠬᠢ ᠬᠤᠭᠤᠷᠣᠨᠳᠣ᠂ ᠨᠠᠢᠮᠠᠨ ᠨᠢᠳᠦ᠂ ᠨᠠᠢᠮᠠᠨ ᠰᠡᠡᠴᠢᠭ᠂ ᠳᠦᠷᠪᠡᠨ | ᠭᠤᠣᠯ ᠣᠷᠣᠢ᠂ ᠡᠭᠦᠳᠡᠨ ᠳᠣᠳᠣᠨᠠ ᠪᠠᠶᠢᠬᠤ ᠳᠡᠷᠡ ᠬᠦ ᠳᠣᠯᠣᠭᠠᠨ ᠰᠠᠭᠤᠳᠠᠯ ᠢ ᠭᠠᠷᠬᠤ ᠣᠷᠣᠬᠤ ᠳᠤ ᠪᠠᠨ ᠳᠣᠰ | ᠪᠦᠷᠢ ᠨᠢᠭᠡᠨ ᠣᠳᠠᠭᠠ ᠶᠠᠪᠣᠵᠣ᠂ ᠱᠠᠩᠨᠠᠵᠣ ᠡᠬᠢᠯᠡᠵᠦ ᠭᠠᠷᠬᠤ ᠡᠬᠢᠨ ᠤ ᠴᠡᠭ ᠲᠡᠭᠡᠨ ᠳᠡᠭᠦᠰᠬᠦ ᠳᠤ ᠪᠠᠨ ᠨᠢᠭᠡᠨ | ᠭᠠᠵᠠᠷ ᠶᠠᠪᠣᠭᠠᠳ ᠳᠡᠭᠦᠰᠭᠡᠳᠡᠭ᠃ | ᠫᠠᠷᠵᠢ᠂ ᠫᠠᠷᠵᠢ ᠶᠢᠨ ᠬᠦᠯᠭᠡ᠂ ᠫᠠᠷᠵᠢ ᠶᠢᠨ ᠪᠣᠬᠠ᠂ ᠫᠠᠷᠵᠢ ᠶᠢᠨ ᠰᠠᠭᠤᠳᠠᠯ ︵ᠭᠠᠵᠠᠷ︶ ᠢ ᠣᠨᠢᠰᠤᠭᠠ | ᠶᠢ《 ᠳᠠᠯᠠᠪᠣᠷ ᠴᠠᠭᠠᠨ ᠳᠠᠯᠠ ᠂ ᠳᠠᠩᠰᠤᠭ ᠳᠦᠷᠪᠡᠨ ᠡᠭᠦᠳᠡ᠂ ᠴᠢᠮᠪᠠᠢ ᠨᠠᠢᠮᠠᠨ ᠰᠠᠭᠤᠳᠠᠯ᠂ ᠴᠡᠴᠡᠭ ᠨᠠᠢᠮᠠᠨ | ᠪᠠᠭᠤᠳᠠᠯ᠂ ᠳᠦᠷᠪᠡᠨ ᠨᠠᠢᠮᠠᠨ ᠱᠠᠳᠣ᠂ ᠳᠦᠴᠢᠨ ᠨᠠᠢᠮᠠᠨ ᠠᠭᠤᠢ᠂ ᠬᠤᠶᠠᠷ ᠶᠠᠩᠵᠣ ᠶᠢᠨ ᠦᠩᠭᠡ᠂ ᠬᠤᠷᠢᠨ | ᠵᠢᠷᠭᠤᠭᠠᠨ ᠬᠡᠥᠭᠡᠳ》 ᠭᠡᠳᠡᠭ᠃ | ᠫᠠᠷᠵᠢ ᠶᠢᠨ ᠴᠠᠭᠠᠨ ᠳᠠᠯᠠ ᠶᠢ ᠨᠢᠷᠣᠭᠤ ᠬᠡᠵᠦ᠂ ᠯᠠᠴᠠ ᠴᠢᠳᠬᠤᠭᠰᠠᠨ ᠳᠠᠯᠠ ᠶᠢ ᠡᠯᠢᠭᠡ ᠭᠡᠳᠡᠭ᠃ | ᠫᠠᠷᠵᠢ ᠨᠠᠭᠠᠳᠬᠤ ᠳᠤ ᠨᠢᠭᠡ ᠬᠦᠮᠦᠨ ᠪᠣᠶᠣ ᠬᠡᠳᠦᠨ ᠬᠦᠮᠦᠨ ᠨᠢᠭᠡ ᠳᠠᠯᠠ ︵ᠳᠣᠭᠤᠶᠢᠯᠠᠩ︶ ᠪᠣᠯᠵᠣ ᠬᠤᠶᠠᠷ᠂ | ᠭᠤᠷᠪᠠ᠂ ᠳᠦᠷᠪᠡᠨ ᠡᠭᠦᠳᠡ ᠪᠠᠷ ᠬᠡᠳᠦᠨ ᠪᠣᠬᠠ ᠲᠠᠢ ᠨᠠᠭᠠᠳᠴᠣ ᠪᠦᠷ ᠪᠣᠯᠳᠠᠭ᠃ ᠳᠠᠯᠠ ᠪᠦᠷᠢ ᠶᠢᠨ ᠬᠦᠮᠦᠨ ᠤ | ᠳᠤᠭᠠ ᠶᠢ ᠬᠢᠵᠠᠭᠠᠷᠯᠠᠳᠠᠭ ᠦᠬᠡᠢ᠃ ᠦᠩᠭᠡ ᠨᠢ ᠠᠳᠠᠯᠢ ᠦᠬᠡᠢ ᠳᠣᠪᠴᠢ᠂ ᠶᠠᠰᠣ ᠵᠡᠷᠭᠡ ᠪᠠᠷ ᠪᠣᠬᠠ ᠪᠣᠯᠭᠠᠵᠣ᠂ | ᠳᠠᠯᠠ ᠪᠦᠷᠢ ᠳᠡᠩᠴᠡᠭᠦᠦ ᠳᠣᠭᠠᠨ ᠤ ᠪᠣᠬᠠ ᠲᠠᠢ ᠮᠦᠷᠦᠶᠢᠴᠡᠵᠦ ᠡᠬᠢᠯᠡᠳᠡᠭ᠃ ᠳᠠᠯᠠ ᠪᠦᠷᠢ ᠶᠢᠨ ᠬᠦᠮᠦᠨ ᠤ | ᠳᠤᠭᠠ ᠳᠡᠩᠴᠡᠭᠦᠦ ᠪᠠᠶᠢᠬᠤ ᠶᠢ ᠴᠢᠬᠤᠯᠠᠴᠢᠯᠠᠵᠣ᠂ ᠠᠯᠢ ᠳᠠᠯᠠ ᠨᠢ ᠬᠦᠮᠦᠨ ᠳᠣᠳᠠᠭᠤ ᠪᠣᠯ ᠳᠣᠳᠠᠭᠰᠠᠨ ᠨᠢᠭᠡ | ᠬᠦᠮᠦᠨ ᠢᠶᠠᠨ ᠳᠣᠭᠳᠠᠭᠰᠠᠨ ᠨᠢᠭᠡ ᠬᠦᠮᠦᠨ ᠨᠢ ᠣᠷᠣᠯᠠᠵᠣ᠂ ᠡᠭᠡᠯᠵᠢ ᠪᠦᠷᠢ ᠳᠤ ᠨᠠᠮᠰᠢᠭ ᠬᠡᠵᠦ ᠢᠯᠡᠭᠦᠦ ᠨᠢᠭᠡ | ᠡᠭᠡᠯᠵᠢ ᠡᠷᠭᠡ ᠲᠠᠢ᠃ ᠨᠠᠭᠠᠳᠣᠭᠴᠢ ᠪᠦᠬᠦᠨ ᠡᠭᠡᠯᠵᠢ ᠳᠤ ᠪᠠᠨ ᠡᠷᠭᠡᠪᠡᠰᠢ ᠫᠠᠷᠵᠢ ᠪᠠᠨ ᠬᠠᠶᠠᠬᠤ ᠬᠡᠷᠡᠭᠳᠡᠢ ᠪᠦᠭᠡᠳ | ᠢᠯᠡᠭᠦᠦ ᠬᠠᠶᠠᠵᠣ ᠪᠣᠯᠬᠤ ᠦᠬᠡᠢ᠃ ᠨᠢᠷᠣᠭᠤᠨ ᠳᠠᠯᠠ ᠶᠢᠨ ᠳᠡᠭᠡᠭᠰᠢ ᠬᠠᠷᠠᠭᠰᠠᠨ ᠢ ᠳᠣᠭᠠᠯᠠᠵᠣ᠂ ᠬᠦᠯᠭᠡᠨ ᠳᠡᠭᠡᠷᠡ | ᠫᠠᠷᠵᠢ ᠶᠢᠨ ᠭᠠᠵᠠᠷ ᠢᠶᠠᠨ ᠶᠠᠪᠣᠭᠤᠯᠳᠠᠭ᠃ ᠫᠠᠷᠵᠢ ᠶᠢ ᠬᠠᠶᠠᠬᠤ ᠪᠦᠷᠢ ᠳᠤ ᠭᠠᠷᠬᠤ ᠭᠠᠵᠠᠷ ᠢ ᠬᠡᠳᠦᠨ ᠭᠠᠵᠠᠷ | ᠳᠣᠰᠪᠠ ᠭᠡᠳᠡᠭ᠃ ᠫᠠᠷᠵᠢ ᠬᠠᠶᠠᠬᠤ ᠠᠴᠠ ᠡᠮᠦᠨᠡ ᠠᠳᠬᠤᠨ ᠳᠠᠬᠢ ᠫᠠᠷᠵᠢ ᠪᠠᠨ ᠰᠡᠭᠰᠦᠷᠬᠢᠯᠡᠬᠦ ᠳᠤ ᠫᠠᠷᠵᠢ | ᠦᠰᠦᠷᠦᠨ ᠭᠠᠷᠴᠣ ᠢᠷᠡᠬᠦ ᠶᠢ ᠵᠢᠭ ᠪᠠᠭᠤᠵᠣ ᠪᠠᠶᠢᠨᠠ᠂ ᠱᠠᠩ ᠳᠣᠰᠬᠤ ᠶᠢᠨ ᠣᠷᠢᠳᠠᠯ ᠬᠡᠵᠦ ᠪᠠᠶᠠᠷᠯᠠᠳᠠᠭ᠃ 5 | ᠫᠠᠷᠵᠢ ᠶᠢᠨ ᠨᠢᠭᠤᠷ ᠨᠢ ᠳᠡᠭᠡᠭᠰᠢ ᠬᠠᠷᠠᠭᠠᠳ 1 ᠨᠢ ᠬᠦᠮᠦᠷᠢᠪᠡᠯ ᠠᠷᠪᠠᠨ ᠨᠢᠭᠡᠨ ᠭᠠᠵᠠᠷ᠂ 1 ᠫᠠᠷᠵᠢ ᠶᠢᠨ ᠨᠢᠭᠤᠷ | ᠨᠢ ᠳᠡᠭᠡᠭᠰᠢ ᠬᠠᠷᠠᠭᠠᠳ 5 ᠨᠢ ᠬᠦᠮᠦᠷᠢᠪᠡᠯ ᠬᠤᠷᠢᠨ ᠵᠢᠷᠭᠤᠭᠠᠨ ᠭᠠᠵᠠᠷ᠂ 6 ᠫᠠᠷᠵᠢ ᠶᠢᠨ ᠨᠢᠭᠤᠷ ᠪᠦᠷ ᠳᠡᠭᠡᠭᠰᠢ | ᠬᠠᠷᠠᠪᠠᠯ ᠵᠢᠷᠭᠤᠭᠠᠨ ᠭᠠᠵᠠᠷ ︵ᠴᠠᠭᠷᠠᠢ ᠵᠢᠷᠭᠤᠭᠠ ᠭᠡᠳᠡᠭ︶᠂ 6 ᠫᠠᠷᠵᠢ ᠪᠦᠷ ᠬᠦᠮᠦᠷᠢᠪᠡᠯ ᠠᠷᠪᠠᠨ ᠬᠤᠶᠠᠷ | ᠭᠠᠵᠠᠷ ︵ᠦᠮᠡᠭᠡᠢ ᠠᠷᠪᠠᠨ ᠬᠤᠶᠠᠷ ᠭᠡᠳᠡᠭ︶᠂ 4 ᠫᠠᠷᠵᠢ ᠶᠢᠨ ᠨᠢᠭᠤᠷ ᠨᠢ ᠳᠡᠭᠡᠭᠰᠢ ᠬᠠᠨᠳᠣᠭᠠᠳ 2 ᠨᠢ | ᠬᠦᠮᠦᠷᠢᠪᠡᠯ ᠬᠤᠶᠠᠷ ᠭᠠᠵᠠᠷ᠂ 3 ᠫᠠᠷᠵᠢ ᠶᠢᠨ ᠨᠢᠭᠤᠷ ᠨᠢ ᠳᠡᠭᠡᠭᠰᠢ ᠬᠠᠨᠳᠣᠭᠠᠳ 3 ᠨᠢ ᠬᠦᠮᠦᠷᠢᠪᠡᠯ ᠭᠤᠷᠪᠠᠨ | ᠭᠠᠵᠠᠷ᠂ 2 ᠫᠠᠷᠵᠢ ᠶᠢᠨ ᠨᠢᠭᠤᠷ ᠨᠢ ᠳᠡᠭᠡᠭᠰᠢ ᠬᠠᠨᠳᠣᠭᠠᠳ4 ᠨᠢ ᠬᠦᠮᠦᠷᠢᠪᠡᠯ ᠳᠦᠷᠪᠡᠨ ᠭᠠᠵᠠᠷ ᠪᠣᠯᠣᠨᠠ᠃ | ᠠᠷᠪᠠᠨ ᠨᠢᠭᠡ᠂ ᠬᠤᠷᠢᠨ ᠵᠢᠷᠭᠤᠭᠠ᠂ ᠴᠠᠭᠷᠠᠢ ᠵᠢᠷᠭᠤᠭᠠ᠂ ᠠᠷᠪᠠᠨ ᠬᠤᠶᠠᠷ ᠪᠦᠷ ᠨᠠᠮᠰᠢᠭ ᠬᠠᠶᠠᠬᠤ ᠡᠷᠭᠡ ᠲᠠᠢ | ᠪᠠᠶᠢᠳᠠᠭ᠃ | ᠫᠠᠷᠵᠢ ᠶᠢᠨ ᠭᠠᠷᠣᠭᠰᠠᠨ ᠳᠤᠭᠠ ᠪᠠᠷ ᠬᠦᠯᠭᠡᠨ ᠳᠡᠭᠡᠷᠡ ᠪᠣᠬᠠ ᠶᠠᠪᠣᠭᠤᠯᠬᠤ ᠶᠢ ᠭᠠᠵᠠᠷ ᠶᠠᠪᠣᠭᠤᠯᠬᠤ | ᠭᠡᠳᠡᠭ᠃ ᠫᠠᠷᠵᠢ ᠶᠢᠨ ᠪᠣᠬᠠ ᠬᠦᠯᠭᠡᠨ ᠳᠡᠭᠡᠷᠡ ᠡᠬᠢᠯᠡᠨ ᠶᠠᠪᠣᠬᠤ ᠳᠤ ᠡᠷᠭᠡᠪᠡᠰᠢ ᠫᠠᠷᠵᠢ ᠶᠢᠨ ᠱᠠᠩ ᠭᠠᠷᠣᠭᠰᠠᠨ | ᠢᠶᠠᠷ ᠰᠠᠶ᠋ᠢ ᠡᠬᠢᠯᠡᠨ ᠶᠠᠪᠣᠳᠠᠭ᠃ ᠱᠠᠩ ᠳᠤ ᠬᠤᠷᠢᠨ ᠵᠢᠷᠭᠤᠭᠠ ᠪᠣᠯᠣᠨ ᠠᠷᠪᠠᠨ ᠨᠢᠭᠡ ᠬᠤᠶᠠᠷᠬᠠᠨ ᠪᠠᠶᠢᠳᠠᠭ᠃ | ᠵᠠᠷᠢᠮ ᠨᠢ ᠡᠬᠢᠯᠡᠬᠦ ᠱᠠᠩ ᠢ ᠠᠷᠪᠠᠨ ᠨᠢᠭᠡ ᠪᠠᠷ ᠭᠠᠷᠬᠤ ᠪᠠᠷ ᠳᠣᠭᠳᠠᠳᠠᠭ᠃ ᠠᠷᠪᠠᠨ ᠨᠢᠭᠡ ᠪᠠᠷ ᠭᠠᠷᠬᠤ ᠪᠣᠬᠠ ᠶᠢ | ᠨᠢᠭᠡ ᠱᠠᠩ ᠬᠡᠵᠦ ᠪᠣᠬᠠ ᠪᠠᠨ ᠬᠠᠮᠤᠭ ᠳᠣᠳᠣᠨᠠ ᠰᠠᠭᠤᠳᠠᠯ ᠳᠤ ᠱᠠᠩᠨᠠᠭᠠᠳ ᠠᠷᠪᠠ ᠳ᠋ᠠᠽᠢ ᠬᠡᠵᠦ ᠠᠷᠪᠠᠨ ᠭᠠᠵᠠᠷ | ᠪᠣᠯᠣᠨ ᠨᠠᠮᠰᠢᠭ ᠲᠠᠢ ᠪᠠᠨ ᠶᠠᠪᠣᠳᠠᠭ᠃ ᠬᠤᠷᠢᠨ ᠵᠢᠷᠭᠤᠭᠠ ᠪᠠᠷ ᠭᠠᠷᠬᠤ ᠪᠣᠬᠠ ᠶᠢ ᠨᠢᠭᠡ ᠱᠠᠩ ᠬᠡᠵᠦ ᠪᠣᠬᠠ ᠪᠠᠨ | ᠱᠠᠩᠨᠠᠭᠠᠳ ᠬᠤᠷᠢᠨ ᠳᠠᠪᠣᠨ ᠭᠠᠵᠠᠷ ᠪᠣᠯᠣᠨ ᠨᠠᠮᠰᠢᠭ ᠲᠠᠢ ᠪᠠᠨ ᠶᠠᠪᠣᠳᠠᠭ᠃ ᠱᠠᠩᠨᠠᠭᠰᠠᠨ ᠪᠣᠬᠠ ᠶᠠᠪᠣᠬᠤ ᠳᠤ | ᠳᠣᠯᠪᠠᠯ ᠠᠷᠪᠠᠨ ᠨᠢᠭᠡ᠂ ᠬᠤᠷᠢᠨ ᠵᠢᠷᠭᠤᠭᠠ ᠳᠤ ᠪᠦᠬᠦᠯᠢ ᠭᠠᠵᠠᠷ ᠶᠠᠪᠣᠳᠠᠭ᠃ ᠳᠡᠭᠡᠪᠡᠯ ᠱᠠᠩ ᠳᠣᠰᠴᠣ ᠯᠡ | ᠪᠠᠶᠢᠪᠠᠯ ᠨᠠᠮᠰᠢᠭ ᠬᠠᠶᠠᠵᠣ ᠯᠡ ᠪᠠᠶᠢᠳᠠᠭ᠃ ᠡᠬᠢᠯᠡᠵᠦ ᠪᠣᠬᠠ ᠱᠠᠩᠨᠠᠬᠤ ᠳᠤ ᠨᠠᠮᠰᠢᠭ ᠬᠠᠶᠠᠭᠠᠳ ᠱᠠᠩ ᠭᠠᠷᠣᠭᠰᠠᠨ | ᠪᠣᠯ ᠱᠠᠩ ᠭᠠᠷᠣᠭᠰᠠᠨ ᠠᠴᠠ ᠪᠠᠨ ᠬᠤᠶᠢᠰᠢᠬᠢ ᠳᠤᠭᠠ ᠪᠠᠷ ᠶᠠᠪᠣᠬᠤ ᠠᠴᠠ ᠪᠢᠰᠢ᠂ ᠱᠠᠩ ᠭᠠᠷᠬᠤ ᠠᠴᠠ ᠡᠮᠦᠨᠡ | ᠭᠠᠷᠣᠭᠰᠠᠨ ᠴᠠᠭᠷᠠᠢ ᠵᠢᠷᠭᠤᠭᠠ᠂ ᠠᠷᠪᠠᠨ ᠬᠤᠶᠠᠷ ᠪᠦᠷ ᠪᠣᠬᠠ ᠱᠠᠩᠨᠠᠬᠤ ᠪᠠ ᠭᠠᠵᠠᠷ ᠶᠠᠪᠣᠬᠤ ᠡᠷᠭᠡ ᠦᠬᠡᠢ᠃ | ᠱᠠᠩᠨᠠᠭᠰᠠᠨ ᠪᠣᠬᠠ ᠲᠠᠢ ᠦᠶᠡ ᠳᠤ ᠫᠠᠷᠵᠢ ᠶᠢ ᠬᠠᠶᠠᠬᠤ ᠪᠦᠷᠢ ᠭᠠᠷᠣᠭᠰᠠᠨ ᠭᠠᠵᠠᠷ ᠪᠦᠷ ᠳᠣᠭᠠᠳᠣ ᠭᠠᠵᠠᠷ ᠢᠶᠠᠷ | ᠢᠶᠠᠨ ᠶᠠᠪᠣᠳᠠᠭ᠃ ᠰᠠᠭᠤᠳᠠᠯ ᠳᠤ ᠪᠠᠭᠳᠠᠬᠤ ᠦᠬᠡᠢ ᠳᠤᠭᠠ ᠭᠠᠷᠪᠠᠯ ᠭᠡᠷᠡᠭ ᠦᠬᠡᠢ ᠪᠣᠯᠳᠠᠭ᠃ ᠰᠠᠭᠤᠳᠠᠯ ᠳᠤ | ᠪᠠᠭᠳᠠᠬᠤ ᠦᠬᠡᠢ ᠪᠠᠶᠢᠳᠠᠯᠠ ᠱᠠᠩ ᠭᠠᠷᠪᠠᠯ ᠣᠳᠣᠷᠠᠩ ︵ᠣᠶᠢᠳᠣᠷᠠᠩ︶ ᠭᠡᠵᠦ ᠱᠠᠩ ᠨᠢᠭᠡ ᠭᠠᠵᠠᠷ ᠶᠠᠪᠣᠳᠠᠭ᠃ | ᠱᠠᠩ ᠭᠠᠷᠣᠭᠰᠠᠨ ᠦᠶᠡ ᠳᠤ ᠶᠠᠪᠣᠵᠣ ᠪᠠᠶᠢᠭᠠ ᠱᠠᠩᠨᠠᠭᠰᠠᠨ ᠪᠣᠬᠠ ᠲᠠᠢ ᠪᠣᠯ ᠱᠠᠩᠨᠠᠭᠠᠳᠣᠢ ᠪᠣᠬᠠ ᠠᠴᠠ ᠪᠠᠨ ᠨᠢᠭᠡ | ᠶᠢ ᠱᠠᠩᠨᠠᠭᠠᠳ ᠦᠯᠡᠳᠡᠭᠰᠡᠨ ᠭᠠᠵᠠᠷ ᠲᠠᠭᠠᠨ ᠦᠭᠡᠷᠡ ᠪᠣᠬᠠ ᠪᠠᠨ ᠶᠠᠪᠣᠭᠤᠯᠵᠣ ᠪᠣᠯᠳᠠᠭ᠃ ᠨᠠᠮᠰᠢᠭ ᠢᠶᠠᠨ ᠪᠠᠰᠠ | ᠦᠭᠡᠷᠡ ᠪᠣᠬᠠ ᠲᠠᠢ ᠪᠠᠨ ᠶᠠᠪᠣᠭᠤᠯᠵᠣ ᠪᠣᠯᠳᠠᠭ᠃ ᠱᠠᠩ ᠳᠣᠰᠴᠣ ᠪᠣᠬᠠ ᠱᠠᠩᠨᠠᠭᠠᠳᠣᠢ ᠦᠶᠡ ᠳᠤ ᠬᠡᠳᠦᠨ | ᠡᠬᠡᠯᠵᠢ ᠬᠠᠶᠠᠭᠰᠠᠨ ᠴᠦ ᠪᠣᠬᠠ ᠬᠦᠯᠭᠡᠨ ᠳᠡᠭᠡᠷᠡ ᠭᠠᠵᠠᠷ ᠶᠠᠪᠣᠬᠤ ᠡᠷᠭᠡ ᠦᠬᠡᠢ᠃ ᠱᠠᠩ ᠣᠯᠠᠨ ᠭᠠᠷᠣᠭᠠᠳ ᠨᠢᠭᠡ | ᠪᠣᠬᠠ ᠶᠢᠨ ᠡᠷᠬᠢᠵᠦ ᠢᠷᠡᠬᠦ ᠭᠠᠵᠠᠷ ᠠᠴᠠ ᠭᠡᠳᠦᠷᠡᠭᠰᠡᠨ ᠦᠶᠡ ᠳᠤ ᠠᠷᠪᠠᠨ ᠨᠢᠭᠡ ᠶᠢ ᠠᠷᠪᠠᠨ ᠨᠢᠭᠡ ᠪᠠᠷ ᠨᠢ᠂ | ᠬᠤᠷᠢᠨ ᠵᠢᠷᠭᠤᠭᠠ ᠶᠢ ᠬᠤᠷᠢᠨ ᠵᠢᠷᠭᠤᠭᠠ ᠪᠠᠷ ᠨᠢ ᠳᠣᠰ ᠪᠦᠷᠢ ᠨᠢᠭᠡ ᠪᠣᠬᠠ ᠶᠠᠪᠣᠭᠤᠯᠵᠣ ᠪᠣᠯᠬᠤ ᠪᠦᠭᠡᠳ ᠶᠠᠭ | ᠪᠠᠭᠳᠠᠬᠤ ᠦᠬᠡᠢ ᠦᠶᠡ ᠳᠤ ᠪᠠᠭᠳᠠᠬᠤ ᠨᠢᠭᠡ ᠱᠠᠩ ᠬᠢᠭᠡᠳ ᠪᠣᠰᠣᠳ ᠱᠠᠩ ᠤᠨ ᠣᠳᠣᠷᠠᠩ ᠨᠠᠮᠰᠢᠭ ᠤᠨ ᠭᠠᠵᠠᠷ | ᠲᠠᠢ ᠪᠠᠨ ᠶᠠᠪᠣᠵᠣ ᠪᠣᠯᠳᠠᠭ᠃ ᠱᠠᠩ ᠨᠢ ᠶᠠᠭ ᠪᠠᠭᠳᠠᠬᠤ ᠦᠬᠡᠢ ᠦᠶᠡ ᠳᠤ ᠨᠠᠮᠰᠢᠭ ᠢᠶᠠᠨ ᠬᠠᠶᠠᠭᠠᠳ ᠭᠠᠷᠣᠭᠰᠠᠨ | ᠭᠠᠵᠠᠷ ᠪᠠ ᠣᠳᠣᠷᠠᠩ ᠢᠶᠠᠨ ᠶᠠᠪᠣᠵᠣ ᠪᠣᠯᠳᠠᠭ᠃ ᠱᠠᠩ ᠴᠦ ᠪᠠᠭᠳᠠᠬᠤ ᠦᠬᠡᠢ᠂ ᠭᠠᠵᠠᠷ ᠴᠦ ᠪᠠᠭᠳᠠᠬᠤ ᠦᠬᠡᠢ | ᠦᠶᠡ ᠳᠤ ᠣᠳᠣᠷᠠᠩ ᠤᠨ ᠭᠠᠵᠠᠷ ᠢᠶᠠᠨ ᠶᠠᠪᠣᠵᠣ ᠪᠣᠯᠳᠠᠭ᠃ | ᠫᠠᠷᠵᠢ ᠶᠢᠨ ᠱᠠᠩ ᠬᠠᠶᠢᠯᠬᠤ ᠪᠠ ᠰᠡᠷᠭᠦᠬᠦ ᠶᠣᠰᠣ ᠵᠢᠷᠣᠮ ᠣᠯᠠᠨ ᠪᠠᠶᠢᠳᠠᠭ᠃ ᠠᠷᠪᠠᠨ ᠨᠢᠭᠡ ᠶᠢᠨ ᠱᠠᠩ | ᠭᠤᠷᠪᠠ ᠭᠠᠷᠪᠠᠯ ᠬᠠᠶᠢᠯᠵᠣ᠂ ᠭᠤᠷᠪᠠᠨ ᠣᠳᠣᠷᠠᠩ ᠨᠠᠮᠰᠢᠭ ᠲᠠᠢ ᠪᠠᠨ ᠭᠠᠵᠠᠷ ᠶᠠᠪᠣᠳᠠᠭ᠃ ᠠᠷᠪᠠᠨ ᠨᠢᠭᠡ 4 | ᠭᠠᠷᠪᠠᠯ ᠨᠢᠭᠡ ᠠᠷᠪᠠᠨ ᠨᠢᠭᠡ᠂ ᠭᠤᠷᠪᠠᠨ ᠣᠳᠣᠷᠠᠩ᠂ ᠨᠠᠮᠰᠢᠭ ᠲᠠᠢ ᠶᠠᠪᠣᠵᠣ᠂ ᠳᠠᠪᠣᠨ ᠠᠷᠪᠠᠨ ᠨᠢᠭᠡ ᠭᠠᠷᠪᠠᠯ | ᠰᠡᠷᠭᠦᠵᠦ᠂ ᠳᠠᠪᠣᠨ ᠱᠠᠩ ᠨᠠᠮᠰᠢᠭ ᠲᠠᠢ ᠪᠠᠨ ᠪᠦᠷ ᠭᠠᠵᠠᠷ ᠶᠠᠪᠣᠳᠠᠭ᠃ ᠬᠤᠷᠢᠨ ᠳᠠᠪᠤ ᠶᠢᠨ ᠱᠠᠩ ᠳᠠᠪᠤ ᠭᠠᠷᠪᠠᠯ | ᠬᠠᠶᠢᠯᠵᠣ᠂ ᠳᠠᠪᠣᠨ ᠣᠳᠣᠷᠠᠩ ᠨᠠᠮᠰᠢᠭ ᠲᠠᠢ ᠪᠠᠨ ᠭᠠᠵᠠᠷ ᠶᠠᠪᠣᠳᠠᠭ᠃ ᠵᠢᠷᠭᠤᠭᠠᠨ ᠬᠤᠷᠢᠨ ᠳᠠᠪᠤ ᠭᠠᠷᠪᠠᠯ ᠨᠢᠭᠡ | ᠬᠤᠷᠢᠨ ᠳᠠᠪᠤ᠂ ᠳᠠᠪᠣᠨ ᠣᠳᠣᠷᠠᠩ᠂ ᠨᠠᠮᠰᠢᠭ ᠲᠠᠢ ᠪᠠᠨ ᠭᠠᠵᠠᠷ ᠶᠠᠪᠣᠳᠠᠭ᠃ ᠳᠣᠯᠣᠭᠠᠨ ᠬᠤᠷᠢᠨ ᠳᠠᠪᠤ ᠭᠠᠷᠪᠠᠯ | ᠰᠡᠷᠭᠦᠵᠦ᠂ ᠳᠣᠯᠣᠭᠠᠨ ᠱᠠᠩ ᠨᠠᠮᠰᠢᠭ ᠲᠠᠢ ᠪᠠᠨ ᠪᠦᠷ ᠭᠠᠵᠠᠷ ᠶᠠᠪᠣᠳᠠᠭ᠃ ᠴᠠᠭᠷᠠᠢ ᠵᠢᠷᠭᠤᠭᠠ᠂ ᠵᠢᠷᠭᠤᠭᠠ | ᠭᠠᠷᠪᠠᠯ ᠪᠦᠭᠦᠳᠡ ᠬᠠᠶᠢᠯᠵᠣ᠂ ᠨᠠᠮᠰᠢᠭ ᠬᠠᠶᠠᠬᠤ ᠡᠷᠭᠡ ᠴᠦ ᠦᠬᠡᠢ ᠪᠣᠯᠣᠨᠠ᠃ ᠱᠠᠩ ᠬᠤᠷᠢᠨ ᠵᠢᠷᠭᠤᠭᠠ᠂ | ᠠᠷᠪᠠᠨ ᠨᠢᠭᠡ ᠡᠭᠡᠯᠵᠢᠯᠡᠨ ᠬᠡᠳᠦᠢ ᠳᠣᠰᠣᠭᠰᠠᠨ ᠴᠦ ᠬᠠᠶᠢᠯᠬᠤ ᠦᠬᠡᠢ ᠪᠦᠭᠡᠳ ᠳᠠᠪᠣᠨ ᠬᠤᠷᠢᠨ ᠵᠢᠷᠭᠤᠭᠠ᠂ | ᠭᠤᠷᠪᠠᠨᠠᠷᠪᠠᠨ ᠨᠢᠭᠡ ᠶᠢᠨ ᠳᠣᠮᠳᠠ ᠴᠠᠭᠷᠠᠢ ᠵᠢᠷᠭᠤᠭᠠ ᠬᠠᠪᠴᠢᠭᠳᠠᠭᠰᠠᠨ ᠦᠶᠡ ᠳᠤ ᠮᠦᠨ ᠬᠠᠶᠢᠯᠬᠤ ᠦᠬᠡᠢ᠃ | ᠪᠠᠬᠢ ᠳᠡᠭᠡᠷᠡ ᠪᠠᠶᠢᠬᠤ ᠪᠣᠬᠠ ᠪᠠᠬᠢᠯᠡᠪᠡ ᠬᠡᠳᠡᠭ᠃ ᠬᠡᠳᠦᠨ ᠡᠭᠦᠳᠡᠨ ᠤ ᠪᠣᠬᠠ ᠪᠠᠬᠢ ᠳᠡᠭᠡᠷᠡ ᠬᠡᠳᠦᠢ | ᠣᠪᠣᠭᠠᠷᠠᠭᠰᠠᠨ ᠴᠦ ᠬᠠᠷᠢᠯᠴᠠᠨ ᠨᠢᠭᠡᠨ ᠨᠢᠭᠡ ᠪᠠᠨ ᠢᠳᠡᠬᠦ ᠶᠣᠰᠣ ᠦᠬᠡᠢ᠃ ᠳᠡᠭᠦᠨ ᠠᠴᠠ ᠭᠠᠳᠠᠨᠠ ᠡᠭᠦᠳᠡᠨ | ᠳᠣᠳᠣᠷᠠ ᠪᠠᠶᠢᠬᠤ ᠪᠣᠬᠠ ᠶᠢ ᠢᠳᠡᠵᠦ ᠪᠣᠯᠬᠤ ᠦᠬᠡᠢ ᠠᠴᠠ ᠪᠣᠰᠣᠳ ᠰᠠᠭᠤᠳᠠᠯ ᠳᠤ ᠪᠠᠶᠢᠭᠠ ᠪᠣᠬᠠ ᠶᠢ ᠰᠣᠯᠠ | ᠪᠣᠬᠠ ᠬᠡᠳᠡᠭ᠃ ᠫᠠᠷᠵᠢ ᠶᠢᠨ ᠳᠣᠰᠣᠯᠳᠠ ᠪᠠᠷ ᠬᠤᠶᠢᠨᠠᠬᠢ ᠪᠣᠬᠠ ᠨᠢ ᠨᠡᠭᠡᠵᠦ ᠢᠷᠡᠭᠡᠳ ᠰᠠᠭᠤᠳᠠᠯ ᠳᠠᠭᠠᠷᠠᠪᠠᠯ | ᠨᠦᠬᠦᠭᠡ ᠡᠳᠡᠭᠡᠳ ᠤᠨ ᠳᠡᠷᠡ ᠪᠣᠬᠠ ᠶᠢ ᠢᠳᠡᠵᠦ ᠠᠪᠴᠣ ᠬᠠᠶᠠᠳᠠᠭ᠃ ᠵᠠᠷᠢᠮ ᠦᠶᠡ ᠳᠤ ᠨᠢᠭᠡ ᠭᠠᠵᠠᠷ ᠵᠦᠷᠢᠪᠡᠯ | ᠱᠠᠩ ᠲᠠᠢ ᠪᠣᠯ ᠱᠠᠩ ᠢᠶᠠᠷ ᠢᠶᠠᠨ ᠢᠳᠡᠳᠡᠭ᠂ ᠡᠭᠦᠨ ᠢ ᠱᠠᠩ ᠢᠶᠠᠨ ᠬᠤᠳᠠᠯᠳᠣᠵᠣ ᠢᠳᠡᠨᠡ ᠭᠡᠳᠡᠭ᠃ ᠢᠩᠬᠢᠵᠦ | ᠢᠳᠡᠭᠳᠡᠭᠰᠡᠨ ᠪᠣᠬᠠ ᠨᠢ ᠬᠡᠳᠦᠢ ᠣᠯᠠᠨ ᠭᠠᠵᠠᠷ ᠶᠠᠪᠣᠭᠰᠠᠨ ᠴᠦ ᠬᠠᠮᠢᠶᠠ ᠦᠬᠡᠢ᠂ ᠦᠪᠡᠷ ᠤᠨ ᠭᠤᠣᠯ ᠠᠴᠠ ᠪᠠᠨ | ᠳᠠᠬᠢᠵᠣ ᠰᠢᠨᠡ ᠪᠠᠷ ᠭᠠᠷᠴᠣ ᠳᠦᠷᠪᠡᠨ ᠡᠭᠦᠳᠡ ᠶᠢ ᠳᠠᠬᠢᠵᠣ ᠡᠷᠬᠢᠬᠦ ᠶᠣᠰᠣᠳᠠᠢ᠃ ᠡᠭᠦᠳᠡ ᠠᠴᠠ ᠪᠠᠨ ᠭᠠᠷᠣᠭᠠᠳ | ᠬᠤᠯᠠᠳᠠᠭᠠᠳᠣᠢ ᠪᠣᠬᠠ ᠶᠢ ᠵᠠᠯᠠᠭᠤ ᠪᠣᠬᠠ ᠬᠡᠵᠦ᠂ ᠬᠠᠷᠢᠵᠦ ᠢᠷᠡᠬᠦ ᠳᠤ ᠪᠠᠨ ᠳᠣᠯᠣᠭᠰᠠᠨ ᠪᠣᠬᠠ ᠶᠢ ᠬᠦᠭᠰᠢᠨ | ᠪᠣᠬᠠ ᠭᠡᠳᠡᠭ᠃ ᠫᠠᠷᠵᠢ ᠶᠢᠨ ᠪᠣᠬᠠ ᠬᠦᠯᠭᠡᠨ ᠳᠡᠭᠡᠷᠡ ᠵᠦᠪ ᠡᠷᠬᠢᠨ ᠣᠷᠣᠭᠰᠢᠯᠠᠳᠠᠭ ᠣᠬᠤᠷᠢᠵᠣ ᠪᠣᠯᠳᠠᠭ ᠦᠬᠡᠢ᠃ | ᠵᠠᠮ ᠳᠣᠮᠳᠠ ᠪᠠᠨ ᠪᠣᠰᠣᠳ ᠲᠤ ᠢᠳᠡᠭᠳᠡᠬᠦ ᠦᠬᠡᠢ ᠪᠠᠷ ᠡᠩᠭᠡ ᠳᠠᠶᠢᠪᠣᠩ ᠨᠢᠭᠡ ᠡᠷᠬᠢᠭᠡᠳ ᠨᠠᠶᠠᠨ ᠳᠠᠪᠣᠨ ᠭᠠᠵᠠᠷ | ᠢᠶᠠᠨ ᠶᠠᠪᠣᠵᠣ ᠪᠠᠷᠠᠪᠠᠯ ᠨᠢᠭᠡ ᠪᠣᠬᠠ ᠬᠠᠷᠢᠵᠦ ᠢᠷᠡᠭᠰᠡᠨ ᠳᠤ ᠳᠣᠭᠠᠴᠠᠭᠳᠠᠵᠣ᠂ ᠫᠠᠷᠵᠢ ᠶᠢᠨ ᠬᠦᠯᠭᠡᠨ ᠠᠴᠠ ᠠᠪᠴᠣ | ᠬᠠᠶᠠᠨᠠ᠃ ᠡᠭᠦᠳᠡ ᠪᠠᠷ ᠢᠶᠠᠨ ᠣᠷᠣᠵᠣ ᠢᠷᠡᠭᠰᠡᠨ ᠪᠣᠬᠠ ᠪᠣᠰᠣᠳ ᠪᠣᠬᠠ ᠳᠤ ᠢᠳᠡᠭᠳᠡᠬᠦ ᠠᠶᠣᠯ ᠦᠬᠡᠢ ᠪᠣᠯᠪᠠᠴᠣ | ᠫᠠᠷᠵᠢ ᠶᠢᠨ ᠳᠣᠰᠣᠯᠳᠠ ᠠᠴᠠ ᠪᠣᠯᠵᠣ ᠳᠡᠭᠦᠰᠦᠯᠳᠡ ᠶᠢᠨ ᠨᠢᠭᠡ ᠳᠦᠷᠪᠡᠯᠵᠢ ᠰᠠᠭᠤᠳᠠᠯ ᠤᠨ ᠨᠠᠭᠠᠨᠠ ᠰᠠᠭᠤᠬᠤ ᠶᠢ | ᠳᠦᠩᠭᠡ ᠳᠤ ᠣᠨᠠᠨᠠ ᠭᠡᠳᠡᠭ᠃ ᠳᠦᠩᠭᠡ ᠳᠤ ᠣᠨᠠᠭᠰᠠᠨ ᠪᠣᠬᠠ ᠶᠢ ᠠᠷᠪᠠᠨ ᠨᠢᠭᠡ᠂ ᠬᠤᠷᠢᠨ ᠵᠢᠷᠭᠤᠭᠠ ᠶᠢᠨ | ᠱᠠᠩ ᠢᠶᠠᠷ ᠠᠪᠴᠣ ᠬᠠᠶᠠᠳᠠᠭ᠃ ᠱᠠᠩᠨᠠᠭᠰᠠᠨ ᠦᠬᠡᠢ ᠪᠠᠷ ᠱᠦᠭᠦᠭᠳᠡᠭᠰᠡᠨ ᠪᠣᠬᠠ ᠶᠢ ᠦᠮᠡᠭᠡᠢ ᠪᠣᠬᠠ ᠭᠡᠳᠡᠭ᠃ | ᠱᠠᠩᠨᠠᠭᠰᠠᠨ ᠪᠣᠯᠪᠠᠴᠣ ᠭᠠᠵᠠᠷ ᠢᠶᠠᠨ ᠶᠠᠪᠣᠵᠣ ᠪᠠᠷᠠᠭᠰᠠᠨ ᠦᠬᠡᠢ ᠪᠣᠬᠠ ᠶᠢ ᠳᠣᠭᠠᠯᠠᠵᠣ᠂ ᠬᠡᠳᠦᠨ ᠪᠣᠬᠠ ᠲᠠᠢ | ᠱᠦᠭᠦᠭᠳᠡᠪᠡ ᠭᠡᠳᠡᠭ᠃ | |